Синоќа пак, по мој вкус меч на неделата, за жал не и по ЕХФ критеримуте, за кои одамна се сомневам дека вредат, гледав Барса, Алборг.

Во следниот пасус ќе споделам статистички податоци, под претпоставка дека лабавава ЕХФ е точна, кои вреди да се нотираат:

Вкупно беа постигнати 72, седумдесет и два гола. Вкупно беа упатени 113 удари кон головите. Голманите одбранија вкупно 26 удари, изгубени топки со технички грешки вкупно 26. Исклучувања вкупно 3, ТРИ !

Дали статистикава е од кошаркарски натпревар?

United colors of Barcelona, во долгоочекуваниот дуел со All Scandinavian stars, за сладокусците понуди доживување со 5 мишленови ѕвезди.

Значи совршено е јасно во кој правец движи светскиот ракомет. Да не биде после никој не ни кажа! Во одредени ракометни кулоари се одбројува и времето кога и центарот по примен гол ќе се укине, па просто како во кошарката нападот ќе започнува од голманскиот простот. Многу трчање, брз пренос на топка, лесни нозе, скок, времето на разбивачите “беше си”.

Антиципацијата, импровизацијата и останатите мисловни процеси ќе бидат високо на цена. Или како што рече синоќа коментаторот на Арена, парафразирам, ако го видите Дика Мем на улица нема да ви падне на памет да помислите дека станува збор за ултра спортист, можеби и најдобар во светот на својата позиција.

Со заклучокот дека во Македонија уште се бориме за елементарни услови, сала, ако има сала греење, ако има греење, чиста и фунционална соблекувална, го завршувам краткиот осврт на современиот ракомет. Првите 40 минути од Алборг Барса, верувам дека би биле интересни за просечен американски љубител на спорт.

Да и уште една забелешка, за ваков ракомет се потребни и судии како оние синоќешните. Можеби имаа грешки но со своето чувство за досудена предност при прекршок или обид за прекршок тие ги поставуваат темелите и на судењето на ваков атомски ракомет.

The post O боже, каков е овој ракомет ! appeared first on Само Ракомет.

Респект, 20 натпревари и 20 победи. Последната и најважната во финалето вчера против апсолутните но бесконечно симпатични аутсајдери Олбор.

Финалето за нас засенето од историскиот деби за Македонија на едно големо натпреварување. Македонската фудбалска репрезентација во истиот термин во Букурешт го играше својот прв, историски натпревар на европското првенство.

Како да знае и тие, па ракомет имаше само 6-7 минути. Барса почна мирно, со длабока зона, па данците постигнаа набрзина некои лесни голови, а голманот фати нешто, за почетни 5-2. И тоа беше се !

Барса заигра онака како што знае. Моќно во одбраната, данците само во првото полувреме прокоцкаа 9 топки. Разноврсно во нападот, бомбардираа Циндриќ уште невлезен и од десно при транзиција, Нгесан и Мем од дистанца, крилата пикерите, словенците. Безмалку сите, само Палмарсон кој повреден сепак на клупата, не беше во можност да реализира.

Емотивно беа исцрпени данците. Нивната катарза во 3 циклуси ги испразни. Со Порто, Флензбург и врвот во полуфиналето со ПСЖ. А всушност на почетокот на сезоната не ни сонувале за Келн.

Покрај страшната одбрана на шпанците често земаа нелогични и лошо избрани шутеви, на кои Де варгас со насмевка им се заблагодари и си го бетонира МВП признанието.

Сепак финале какво не сме навикнале да гледаме. Јасно во повеке од 3/4 од натпреварот. Апсолутно заслужено и без ниедна дамка. Барса од далеку ќе ја гледаат сите, а od најдалеку ПСЖ.

Каква ќе биде следната сезона со нетрпение сите ќе чекаме. Ќе се вратиме ли на трибините, ќе го биде ли Вардар, ќе остане ли Раул под Ајфелова?

Северна Рајна Вестфалија

ФИНАЛЕ Лига на Шампиони

Барса 36 Олбор само 23

The post Чиста десетка ! appeared first on Само Ракомет.

Викендов во Келн, закрепостената тврдина, ќе се одигра за нијанса поправеден од лани, ЕХФ Ф4.

Веднаш пред очите имам слики од Столе, Чупко, плоштад. Скопски Вардар Европски Шампион, е тоа беа времиња!

Во истиот дух, кој го красеше Вардар, од нигде никаде на врвот на европската сцена, кога никој не помислува на нив, се појавија годинава и Олборг и Нант .

Underdogs

Во сезоната со неверојатни издигнувања и вознемирувачки падови, орлите од Филаделфија како апсолутни аутсајдери (underdogs), за првпат во својата историјата стигнаа до финалето, Супербол во НФЛ! Во неделата на 4 фебруари, 2018 година, Орлите се соочија со апсолутните фаворити и петкратни шампиони, Патриотите на вечниот Том Брејди. Натпреварот е опишан како еден од најдобрите во историјата на НФЛ. И тоа беше ! Орлите го освоија својот прв Супербол. Остана длабоко врежан моментот кога дел од момците на Филаделфија истрчаа на терен со кучешки маски.

И можеби како никогаш досега, овојпат во Келн имаме два аутсајдери.

Првото и можеби најголемото изненадување од третиот по големина град во Данска. Олбор, како што некако би звучел на дански изговорот. Нешто слично како кај девојките, Вајперс и Олбор е основан во 21 век поточно 2000 година а оваа форма ја има само од 2011 година. Тоа не ги спречи да бидат 5 пати шампиони на Данска. Интересно во лигата на шампиони два пати стигнале до осминафинале и двата пати испаѓале од Барса со огромна разлика.

Но овојпат тие се сосема поинаков тим. Играат безгрижно и полетно, како да се без некој императив, во групата со Барса, Кил, Нант, Веспрем, беа четврти, а во осминафиналето го елиминираа се посилниот Порто, на гол во гости. Вистинскиот сјај нивни го видовме во дуелот со германците со дански шмек, Фленсбург, дуел кој беше олицетворение на модерен ракомет, многу возбуда и напнатост.

Составен од исклучиво скандинавски играчи, базата данци, меѓу кои најистакнати крилата Ласен и Странгард, бековите Мелгард и Кристенсен, како и фантастичниот пикер Сауструп. Од Норвешката прва помош го имаат одличниот на крило Бартолд. Шведската колонија е позначајна и со поголемо влијание. Па тука се одличниот голман Агерфос, како и фантастичните бекови Клар, Самуелсон и Сандел.

За мене мала енигма и тренерот, Стефан Мадсен, 44 годишник за кој не успеав да најдам ниту една информација плус од тоа дека е данец на чело на Олбор.

Интересно, но во кратката историја, имале само еден не скандинавски играч во својот ростер и тоа никој друг но Ловро Јотиќ во сезоната 2017/2018.

Едно е повеќе од јасно, играат на многу голови, даваат но и примаат во просек по 30 на натпревар. Растеретени од притисок, а квалитет имаат, као што би рекол Вујо, Раул припази, публико Врзи се !

Во најава на еден моќен тим во кој доаѓаат сериозни скандинавски ѕвезди, овој Олбор фантастично го трасира патот кон врвот!

The post UNDERDOGS appeared first on Само Ракомет.