Синоќа пак, по мој вкус меч на неделата, за жал не и по ЕХФ критеримуте, за кои одамна се сомневам дека вредат, гледав Барса, Алборг.

Во следниот пасус ќе споделам статистички податоци, под претпоставка дека лабавава ЕХФ е точна, кои вреди да се нотираат:

Вкупно беа постигнати 72, седумдесет и два гола. Вкупно беа упатени 113 удари кон головите. Голманите одбранија вкупно 26 удари, изгубени топки со технички грешки вкупно 26. Исклучувања вкупно 3, ТРИ !

Дали статистикава е од кошаркарски натпревар?

United colors of Barcelona, во долгоочекуваниот дуел со All Scandinavian stars, за сладокусците понуди доживување со 5 мишленови ѕвезди.

Значи совршено е јасно во кој правец движи светскиот ракомет. Да не биде после никој не ни кажа! Во одредени ракометни кулоари се одбројува и времето кога и центарот по примен гол ќе се укине, па просто како во кошарката нападот ќе започнува од голманскиот простот. Многу трчање, брз пренос на топка, лесни нозе, скок, времето на разбивачите “беше си”.

Антиципацијата, импровизацијата и останатите мисловни процеси ќе бидат високо на цена. Или како што рече синоќа коментаторот на Арена, парафразирам, ако го видите Дика Мем на улица нема да ви падне на памет да помислите дека станува збор за ултра спортист, можеби и најдобар во светот на својата позиција.

Со заклучокот дека во Македонија уште се бориме за елементарни услови, сала, ако има сала греење, ако има греење, чиста и фунционална соблекувална, го завршувам краткиот осврт на современиот ракомет. Првите 40 минути од Алборг Барса, верувам дека би биле интересни за просечен американски љубител на спорт.

Да и уште една забелешка, за ваков ракомет се потребни и судии како оние синоќешните. Можеби имаа грешки но со своето чувство за досудена предност при прекршок или обид за прекршок тие ги поставуваат темелите и на судењето на ваков атомски ракомет.

The post O боже, каков е овој ракомет ! appeared first on Само Ракомет.

Мечот на неделата, во кој Барселона пристигна по одмазда за расипаната прослава на јубилејот, во одличен тајминг за нас, ден после Пелистер, ден пред Вардар. Е сега елементи кои чинат една ваква пресметка врвна и дерби имаше ама и немаше.

Еве прво од добрите: Два врвни тима во борба за првото место во групата. Гостите дојдени по одмазда. Амбиентот одличен, пољаците се навистина добра публика, верна. Тренерите врвни. Звезди еден куп, повеќе на страната на шпанците. Многу добри акции, индивидуални потези и врвни одбрани. Неизвесност, трилер и драма во последните минути од натпреварот.

Ајде сега лошите. Повеќе технички грешки и изгубени топки, (по којзнае кој пат ЕХФ во графата со нули кај двата тима-катастрофа) од дербито во македонската прва лига викендов. Пасови во аут и лошо фрлени контри како на тренинг. Публика на loop, па безмалку до последните неколку минути, монотоно. Шутеви крај и над гол? Тренер како Ортега загубен во преводот во последните минути, акција за цепелин од мртов агол… имаше уште !

Она што секако е за почит е играта на пољаците, без исклучителни имиња ако ги исклучиме бившите вардарци Караќиќ и Душебајев и голманот Волф, тие беа со ладни глави цел натпревар. Притискаа, гризеа и беа сигурни во себе. И кога не одеше и кога губеа по 4-5 разлика не паничеа и ја играа својата игра. Талант, Браво, не попусто толку често низ годините те колневме.

Од друга страна, ѕвездениот тим помалку во облаци, толку многу несватливи и помалку глупави потези на еден натпревар, непростливо. 52 та минута беше во тек кога Гомез Абељо го постингна последниот гол за Барса за верувале или не до крај да не постигнат ниту еден а да примат 6.

Статистички пак погледнато Барса беше подобра во сите категории, нелогично нели !

Честитки за пољаците, се надевам дека со нив ќе се сретнеме во некоја друга сезона не годинава!

24.11.2021 Полска

ЕХФ лига на Шампиони

Киелце 29 Барселона 27

The post Без добар наслов, кон Киелце Барса appeared first on Само Ракомет.

Играат најубав ракомет, ги имаат едни од најдобрите ракометари и секако еден од најдобрите тренери. Ако размислувате како да ја победите Барса и ако треба да побарате совет, на прсти ќе се избројат оние на кои тоа им успеало и кои ќе може да Ве посоветуваат.

Во тимот плејада ѕвезди и одлични ракометари. Палмарсон, Циндриќ и Дика Мем. Нгесан, Ентрериос и Фабрегас… и така натаму. На голот магичниот ДеВаргас.

Само крајот на кариерата на Чави Паскал во каталонскиот гигант може помалку да ја наруши, или да ја зголеми хомогеноста, ќе видиме веќе во сабота.

Немам зборови што да додадам сем да напомнам дека за Барса играле и две наши величини, Кирил Лазаров и Борко Ристовски. Но и да додадам дека три од ретките, како бел носорог порази доаѓаат токму од Македонија. Вардар ја победи моќната Барса на Ф4 во 2017 и во спектакуларниот пресврт во 2019 година, а Металург сега веќе далечната 2014 во групната фаза.

The post BARÇA appeared first on Само Ракомет.