Еден од поубавите натпревари кои Пелистер ги изигра низ годиниве.

Напаѓачки можеби не, но тоа што поприлично македонската, одбрана го демонстрираше вечерва на француско тло беше одлична дефанзивна поставка.

Изминатиов период иако преокупирани со сортите кои летаат низ мислите на Жељко, а дополнително изненадени со големиот број на отсуства од ростерот, практично да немавме никакви очекувања од ова гостување. Иако Ним е на средината од табелата во француското првенство, со своите моќни игри во ЛЕ а и со претставата во Битола, тој беше апсолутен фаворит. Моето омилено хоби, ѕиркање во коефициентите, дополнително го спушти и она малку адреналин. Но, градинарот не би бил “скап тренер” доколку не исфрлеше неколку свои итроштини.

Па така упорно ги напаѓаше французите, (хм еве еден краток опис на Ним: еден Снуп Дог, Еден Снуп Дог на стероиди, двајца љубители на ликот и брадата на естонецот Патраил, еден обожавател на Никучот, неколкумина французи и еден легендарен ветеран) преку пикер. Во одреден дел од натпреварот тоа малку и му се удри од глава но сепак ризикот беше пресметлив. Повеќе од немајкаде него од тактичко стратешка природа ја постави гранитната линија од македонци. Па така французите како да беа на солунски, Кукоски, Марковски, во неколку моменти исклучителен Маџовски, Велковски и делумно Кукуловски беа ноќна мора на горенаведенава во загради менажерија.

Е сега агрономов и не би бил свој ако не не наградеше и со неколку бисери. Па така повеќе од евидентно низ месециве е дека неиграњето, од Танковски и Кукуловски создаде плашливи и сомнителни бекови. Агрономов во моменти кога можеби и се кршеше натпреварот ги постави заедно да го водат тимот. Чудно нели? Кога Секељи премина во хибернација на Кизиќ, кој патем и во Вардар знаел да биде X фактор не му довери минути. И така уште неколку бисери за да сепак на крајот и покрај одличното издание на Пелистер, останеме без бодови.

Дека насадите му се длабоко во мислите, ни потврди и во ситуација кога под пасивен напад со можност за само едно додавање го уфрли Марковски за игра 7 на 6. Или можеби јас сум сепак преимпресиониран од земјоделските потенцијали?

Со ризик дека многумина нема да се согласат, а со желба овој транзициски период на македонската ракометна репрезентација полесно да го прележиме, предлагам две братски неврзани аквизиции, дирекно од Куба, на лев Табоада и на десен Куни?

Во дуел со еден исклучително сериозен тим, битолчани со она малку сили на располагање заслужија висока оценка и макар еден бод.

25.12.2021 Во римската провинција Ним ЕХФ Европска лига

Ним 25 Еурофарм Пелистер 23

The post Пелистер преполовен, во одлично издание appeared first on Само Ракомет.

Високо мотивирани добро организирани и физички подготвени, очекувањата високо ги поставиле имајќи впредвид како се одвиваа работите кај домаќинот од повеќе аспекти.
Играа брзо, одлично во транзиција, бараа брз центар, често и го добиваа, ја користеа физичката доминација на левото крило и пикерот кои заедно постигнаа 19 од 33 голови, и во првото полувреме беа на вистински пат. Резултатот гласеше 19-16 за гостите. Тактички и технички на ниво, водени од тренерот кој беше главен мотиватор, но најверојатно и само тоа, не изненадија со ништо што македонските клубови досега не виделе.
Но проблемот беше во домаќините.
Металург играше страшно споро во одбрана, лошо се враќаше и слабо трчаше. Одбраната од дистанца следеше што се случува па така највозбудливиот дуел беше по крајот на првото полувреме. Дури и виенскиот валцер за време на тајмаутот се вклопи во тетарската атмосфера.
Во вториот дел Металург на моменти потсети на славните денови од лигата на шампиони па во 10 тата минута имаше примено само 1 гол а резултатот веќе беше свртен 23-20 за домаќините.
Но за победа беше потребно повеќе.
Очигледна беше измореноста на бековите, Серафимов чија игра беше прилично охрабрувачка, тој покажа дека може и знае да повлече па со шут 7 од 12 даваше тон, и Рниќ кој со своето име и искуство треба да биде сериозен столб во иднината, ако е таа сигурна.
Ставам забелешка и на одличната епизодна улога на пикерот Лазаревски, што може да ги радува сите љубители на ракометот, но забележувам зошто само епизодна.
Исклучително важни одбрани забележа Ѓоргески, кој доколку Металург поработи сериозно на одбраната би можел полека да се врати во формата која го донесе и во шампионот Вардар.
Хорват на високо ниво и наметнувајќи се како лидер на оваа екипа, доколку добие подршка од тимот би можел да го вози Металург кон посветла иднина.
На крајот можеби најспортски 33-33.
Останува Металург да има среќа со короната, добро да работи на тренинзите, да си постави високи цели за во групата, да поработат на моралот и …

Конечно ракомет во Скопје
22.12.2020 ЕХФ ЕЛ

Металург 33 Фајверс 33

The post Конечно ракомет во Скопје appeared first on Само Ракомет.

На почеток навидум се исто но сепак различно !

Во првиот состав на десен бек Велковски, местото кое го заслужи апсолутно по минатонеделната партија во Словенија и одговори во висок ритам со голови, игра во одбрана, прецизно разигрување и неколку перфектни асистенции до пикер . Танковски на центар, нешто што сладокусците во Македонија го очекуваат со нетрпение, иако во првите напад два малку нервозен сепак на високо ниво и со нескриена жар … нешто што можеби најмогу му недостасуваше на Пелистер изминатитенатпревари. Една фатена со крајот на окото прегратка на Стипе со Благојче, пред почетокот на натпреварот, која го најави враќањето на кралот на головите, Стипе беше на 11 од 11 нешто што сите однего очекуваа. Кушан прекрасно одговори на сите асистенции од бековите и го направи Зорман нервозен а голманите невидливи. Кукоски во одбрана внесе неопходното искуство, борбеност, дрскост и повторно Жар ! Бековите на Пелистер играа многу широко и трпеливо овојпат па недозволија голманите на Тримо да бидат приметени. На почетокот се играше споро па во 10 тата минута беше 6:6. Но добрата игра на бековите Мандалиниќ, Танковски и Велковски, зголемувањето на интензитетот на игра во одбрана и Х факторот Кукоски создаде блага разлика 12:10 за Пелистер. Кога Чаневски се појави со неколку одбрани, еден седмерец а другиот шут во стативата, Зорман на клупата на словенците ја изгуби насмевката од Требње веќе беше 16:11. Кога во одбраната застана македонската четворка Костески, Велковски, Кукоски и Маџоски температурата беше 100 степени ! Вегар на крилјата на Кукоски одличен во одбраната, малиот Костески перфектен во контра, Чаневски повтроно се појави и веќе беше + 6 . По цепелинот на Велковски беше јасно КОЈ Е КОЈ ВО БИТОЛА !

Зорман се обиде со неколку промени и во одбрана и во напад но се чини дека беше доцна . Светла точка беше само Рашо но тој самиот небеше доволен. Бабиќ овојпат имаше контрола на натпреварот. Одличен тајмаут во второт полувреме на +6 за сигурен напад и чврсто држење на уздите, иако впечаток е дека ротацијата контролирана овојпат сепак имаше неколку чудни моменти ! Радовиќ на место на Костески кога беше на 3 од 3 и Периќ на место на Танковски кога малиот ги имаше сите адути во џебот. Но тоа се тајните на тренерите нели ?Една победа, но разбистри неколку нејаснотии…

Да Пелистер има добар тим, Бабиќ има решенија, Мандалиниќ, Танкоски и Велковски се добитна бековска комбинација. Брестовац имаше што да види, одлични бекови, крила Маџовски и Костески и можеби повторно во репрезентација Кукоски кој покажа како треба да се бориш за својот тим и како да бидеш Х фактор !

Ладните словенци овојпат не се снајдоа под Пелистер и замрзнаа на -7

Од пред малите екрани за Татковината со ракометна победа Напред !

Виктор Христоски

The post А сега нешто комплетно различно appeared first on Само Ракомет.