Човече, незнам од каде да почнам, Лудило… вака некако би звучела најавата доколку ја кажува Оливер Митковски во својата улога во претставата Мој Термин, која е на репертоар во МНТ. Патем и МНТ не е тоа што беше. Од силна институција која ги диктира стандардите на културното живеење, не презентира ширум светот како нација и е домаќин на светски театарски куќи, се претвори во банална и третокласна, комплетно небитна културна установа!

Да си се вратам јас на ракометот.

Неделава ќе ги дознаеме учесниците на Ф4 во Лига европа и во Лигата на шампионите. А кај нас дома, во Македонија, ќе трепкаат срцата на навивачите во неизвесност.

Накратко за денес Ви препорачувам, Нант Фуксе, дуел на две екипи репрезенти на два ракометни гиганти. Франција и Германија. Екипи мултинационални со убиствен инстикт. По првиот натпревар реми па се е можно. 20,45 часот на Арена 3 премиум.

Утре, среда земете пуканки и оправдание за дома. 18,45 на истиот канал Веспрем со само гол предност му гостува на Алборг, Лига на Шампиони, а во вечерниот термин, со иста предност Киелце оди кај европскиот шампион, Магдебург, Арена 2 премиум.

Ако Ви е преку глава од европската хипокризија, погледнете си ја домашната лига, дуел Пелистер Тиквеш. Рака на срце и тука се е јасно.

За во четврток предлагам полесна исхрана, една Македонска салата, две до три Бовин премиум ракиички и зеленчук на скара! Може и едно ладно пивце за вечерните часови, затоа што возбудувањата нема да застанат. Во лигата на шампионите дуел од 18,45 ч. Кил Монпелие, кој вреди да се прескокне поради разликата и поради дербито од 18,00 во култната Јане, помеѓу Вардар и забревтаниот Алкалоид. Не верувам дека германците ќе се предадат, но по играта од првиот дел не им давам многу шанси. И оној вториот дел од ЛШ е безнадежен, Барса го пречекува ПСЖ со огромна предност, но како натпревар за ладење, сигурно ќе има што да понуди.

Уф, доста е, кој сака врвен ракомет, нема да може да се пожали.

Да живее Македонија и Македонскиот народ. Во неделата се сеќававме на масакрот кај Вејце, за кој сеуште никој ниту се извини ниту одговараше !

Запомнете, злосторството никогаш не се заборава! Правдата кога тогаш ќе си дојде!

The post Лудило,неделава ракометни натпревари за сладокусци! appeared first on Само Ракомет.

Од дуелот во кој на сите ни беше совршено јасно дека шансите се теоретски, сепак можеме да влечеме заклучоци и поуки.

Почнувам со ЕХФ. Тие дилетанти никако да се освестат. Статистиката која денеска е една од клучните алатки за правење приказни за нив сеуште е мислена именка. Па така на пример ние незнаеме каков е рејтингот на двете екипи, каде е Алаклоид во моментов. Дали имаме право да се лутиме или сепак да бидеме задоволни?

Алкалоид, е клучен проект во моментов за зачувување на Македонскиот ракомет. Имајќи впредвид во каква ситуација се двата наши гиганти Вардар и Пелистер, финансиски и играчки, иднината за Македонскиот ракомет и Македонските ракометари во моментов на плеќите на Фармацевтите. Со самото тоа и очекувањата се големи. Дали тој притисок ќе ги изгори момците и клупата или ќе создаде дијаманти, навистина треба да бидеме трпеливи и да ги исчекаме.

Туку ајде со ред, Алакалоид повеќе од сериозно си ја сфатиле задачата. Пресот со најмногу новинари и камери од времето на Шампионскиот Вардар, голем број членови од клубот, мала закуска и подарок за секој гостин. Браво, ем деловно ем џентлменски. Во панелите на Жика Богдановиќ, многу ведети од балканскиот ракометен свет, ја поделија иднината на клубовите во два правци, општествен и корпоративен. Алаклоид цврсто ја следи корпоративната приказна.

На сајтот на ЕХФ барајќи теми, ја најдов и следнава, РК Алаклоид со респектабилен стручен тим од 15 членови, сите во клубски бои и ведри и позитивни, (а пак овие данциве, мора да ги погледнете на следниов линк Тeam officials). Настанот во Јане со ситни забелешки на високо ниво, проблемот со кој ќе се соочуваат Фармацевтите е секако генерирање на публика. Но знаејќи ја нашата врела балканска нарав, со првата посериозна победа и публиката ќе се појави. Така беше впрочем и приказната со Металург кој од маалска екипа прерасна во Балканска атракција. Потребно е сепак време.

Самиот натпревар, убав, гледлив, почна жестоко во наша корист но како одминуваше времето некои мали ама значајни разлики го одлучија победникот. Па еве онака како што најмногу милувам ги нафрлам:

Алкалоид промаши 5 пенали, данциве само 1,

Нашите голманите имаа 12 интервенции од кои 11 Трајковски, данциве 21 ( дваесет и една ),

Нашиве имаа 2 исклучувања, гостите 6…

Некои мали а некои големи, но разлики, кои ја прават “разликата”.

Алаклоид е несомнено на добар пат, сите едноставно ќе треба да бидеме трпеливи. Очекуваме секако и некои прилагодувања, можеби малку поагресивна одбрана, или ќотек, повеќе топки за крило, поубоити шутеви од дистанца, помалку изгубени топки и побрзо враќање на паркетот на Петров и Митев.

Кон поразот на РК Алкалоид во Лигата на Европа

РК Алкалоид 23:31 Бјерингбро Силкеборг

The post Главоболки за Лазаров или не ? appeared first on Само Ракомет.

Не паметам од потпишувањето на ракометната платформа навака, толку малку публика во Битола на сериозен натпревар.

Што се случи?

И покрај повиците на клубот но и на верните навивачи по социјалните медиуми, да дојдат и да дадат подршка, таа изостана. Дали фудбалот е во толкава мера доминантен или едноставно трпението на битолчани се истенчи. Дури и коментаторите на ТВ беа затекнати од сликата. Штета. Пелистер синоќа играше навистина подобро.

Неколку моменти заслужуваат внимание. ЕХФ повторно си поигрува со Македонските клубови. Делегираше за судии момчиња, на записник делегат, бугарин. Може ли да престанат со провокациите?

Бек си е бек, покажа играта со Хосни на надворешен десен. Штетата е голема поради неговата лоша здравствена состојба. Некни на еден прволигашки натпревар некој рече, Пелистер не ги сработил медицинските проверки доволно добро, му дојдоа повредени играчи. Дали и студената сала или можеби лоши подготвоски се причина за големиот број на повреди. Тема за раководството.

Левиот, данецот, кој ми е под опсервација, со шут 4/11, полека го заокружува впечатокот дека е одличен со слаби, но деликатен со јаки противници.

Видовме и интересна, тешка а подзаборавена одбрана 3-2-1 од шпанците. Дали и таа му направи проблем на Ларс?

Мојот фокус кон македонските играчи, синоќа кон Танковски. Тој потврдува дека минутажата на паркетот е најважна. Игра од натпревар во натпревар се подобро, синоќа со реализација 7/7 сигурно изненади. Она што кај него ми смета ама многу, е бројот на изгубени топки. Како да му се помогне на ова момче, има многу материјал во него, а и Македонија може да добие опција плус.

Пелистер немаше подршка и од голманите. Марко можеби и фати нешто но Лесјак беше потполно отсатен.

Заклучокот е комплексен и тешко може да се донесе, иако се изиграни веќе 6 натпревари. За Пелистер добро дојдена ќе биде зимската пауза. Да се консолидираат редовите и да се воигра тимот. Да и некое засилување не би било лошо. Има една чаршиска за еден десен бек кој би се преселил од Скопје во Битола, но засега само чаршиска…

13.12.2022 Во Битола во сенка на полуфиналето на светското во фудбал

ЕХФ Евро лига

Еурофарм Пелистер 29 Бидасоа 29

The post Битолската публика со подршка за Модриќ и Меси? appeared first on Само Ракомет.

Често како водилка во коментарите после битката емоциите доминираат. Овој пат пристапот малку поинженерски. Ќе зборуваме со бројки.

Во некои наслови пишуваше дека Пелистер изиграл лошо во првото полувреме и тоа го чинело пораз. Флоскула, за овој збор во Дигиталниот речник на Македонскиот јазик стои следново објаснување: Општ израз што има за цел да ја прикрие вистината !

Пелистер во првото полувреме постигна 12, а во второто само 8, со што успеа да го изедначи најслабиот скор оваа година во Лигата на Европа на Португалците во поразот нагости во Берлин. Поврзувам, не само што одигра очајно во првото, кога прими дури 20 голови, колку што зелените дадоа за цел натпревар, туку се надополни со уште полошо второ, каде едвам постигна 8 погодоци.

Диајгностиката укажа и на уште неколку аномалии. Најпрво онаа поврзана со изјавата за заморот. Пелистер викендов одигра полесен тренинг со Тиквеш и победи со 10 разлика, па така од последниот посериозен натпревар со Мотор изминаа точно 7 денови ! Да недостатокот на неколку бекови е сериозен хендикеп, но во овој пораз можеше повеќе да извлече од младите, Павле, Емилијан.

Следната категорија изгубени топки, за жал бирократската ЕХФ никако да се издигне и да го среди овој податок, но броев до 13, сигурно, а беа многу повеќе. Ако се сетиме на европското Македонија имаше во просек 15, а добрите селекции не повеќе од 7 !

Една не толку пресудна, но категорија која дава повеќе опис за пристапот, е категоријата 2 минути. Домашните 5, гостиве фини и внимателни само 2, исклучувања.

И последната математичка категорија вели, шпанците шутираа 47 пати, Македонците 36. Голема разлика.

Драг Ларс, можеби сте слушале дека во Македонија луѓето многу импровизираат и дека не се врвни професионалци. Можеби сте слушнале дека тука за кратко време може да се заработат пари без одговорност. Драг Ларс, да Вие доаѓата од ракометна земја, но не заборавајте дека и ова мало парче во срцето на Балканот, го познава и го сака ракометот и да еднаш скромно Ве предупредивме, засукајте ги ракавите, Пелистер, Битола и Македонија заслужуваат повеќе !

06.12.2022 Некаде на Пиринејскиот полуостров

Бидасоа 32 Еурофарм Пелистер 20

The post Компјутерска дијагностика, Еурофарм Пелистер CHECK ENGINE ! appeared first on Само Ракомет.

Неможам да се дистанцирам од политичките состојби. За љубов се потребни двајца, за кавга исто. Русите се лоши, Украинците добри? Се прашувам зошто се сместени 2500 километри од дома?

Во студенилото на дизелдорфската сала, црвената боја на верните македонски навивачи ми го стопли срцето. Колку е болно кога сиот таканаречен европски цивилизиран свет е лицемерен. Од една страна црвените непризнаени македонски знамиња, развеани од непризнаениот македонски човек, од друга страна, жолто плавите за кој епови се пишуваат.

Ракометот што се играше, прилично неубедлив. Се обидувам да ги најдам разликите во играта на Пелистер со Аљушо, со Бабиќо и со Валтеро?

Дали тој, Валтеро, од емпатија беше ја замолил екипата да не притиска, или просто толку се можностите, незнам. Факт е дека на Пелистер му недостигаат неколку важни играчи, но сепак барем во одбраната можеше да се изигра пожестоко. Токму во одбраната беше најголемиот проблем, па така тимот кој е меѓу последните во втората германска лига без проблем постигнуваше голови. Дали и мојот Вевчански суперхерој помалку се умори?

Блесокот на левиот дански бек, само малку ја менува мојата перцепција за него. Впрочем ќе му оставам уште некоја утакмица фора пред да го оформам конечното мислење.

Важноста на овие бодови е на прво место. И за Пелистер и за Македонскиот ракометен ранкинг. Со оглед на безмилосната политика од ЕХФ кон Македонските клубови, сите ќе мора да се испотиме за да останеме во елитниот ракомет!

Повторно ми недостасуваа акции за крило, дали во нив тренерот нема доверба, дали бековите не го слушаат, или е нешто друго?

Неспорен е моментот дека Македонските играчи растат од натпревар во натпревар а како ближи Светското, нивната форма ќе биде тема на сите селектори кои во моментов ни се на располагање. (м.з. вклучувајќи ме и мене.)

Ах да, ако веќе им го зема на Двојкана, малиот Ѓорговски, редно е да го пушти да игра!

29.11.2022 На големиот екс празник, некаде во Германија

Мотор 30 Еурофарм Пелистер 33

The post За Пелистер, бодовите најважни! appeared first on Само Ракомет.

Епските битки имаат вовед. Оваа не, не можеше ниту да се наслути дека ќе се претвори во битка уште помалку во епска!

Магдебург важеше безмалку за апсолутен фавотит. Тие така и се однесуваа, во полуфиналето со Нексе, не ги испукаа своите адути.

Португалците пак, срамежливо ја наметнаа својата амбиција уште со ангажманот околу организацијата на Ф4 на ЕХФ лигата на Европа.

Впрочем да не беше дуелот онаков жесток и квалитетен, самата овогодинешна лига можеби и ќе изгубеше на значење.

А дуелот беше вистински, ракомет за сите пари. Жестоки дуели, на раб на тепачка, транзиција убиствена, голмани феноменални, упорност и карактер.

Разлика никој не успеваше да направи. Од една страна скандинавско германската експедиција, од друга страна врела медитеранска крв.

А овие вториве како да се обиделе да користат состојки од една шампионска рецепта. Млад потенцијален се разбира шпански тренер. Двајца балканци со инает колку што Норвешка има фјордови, Германец со желба за освета, двајца тројца со шампионско педигре, голман мешанец, па еден швед колку да боде очи, ама со квалитет и искуство охохо.

Зошто не ги сакав германците ?

Памтам кога на светското во Хрватска го испровоцираа Кире за црвен, па го добија дуелот, памтам и Магдебург и Фленсбург како го решија Вардар, не сум им заборавил и за прва и втора светска…

А да не заборавиме дека, Самба е наш, дека на Бице, Калман му е идол, дека малите и слабите, аутсајдерите ми се слабост.

Финале вистинско, победи подобриот, похрабриот, поупорниот.

Да живее Ракометот!

The post Север и Југ ! appeared first on Само Ракомет.

Има една стара која вели, 100 пати повторена лага станува вистина.

Митот за големината на Европа, од цивилизациски, техничко технолошки, хуман, морален карактер, полека се разоткрива. Европа е гнила, морално пред се, и полека од позадината се гледа нејзината неспособност.

Пред неколку години бевме сведоци на очајната организација на настанот на векот во Скопје, супер купот помеѓу Реал и Манчестер. Но велевме тоа е Македонија, не не бива. Синоќа бевме сведоци на две катастрофално организирани манифестации од врвен калибар. Онаа во Парис во срцето на Европа, финалето на Лигата на Шампиони во фудбал и онаа во Лисабон, Ф4 на Лигата на Европа во ракомет.

Ќе се задржам на ракометот. Од клупски аспект после Келн ова треба да е најголемиот настан. Треба да е, но за жал не е.

Комотно се чувствувам кога без некој посебен редослед едностано набројувам, во случајов недостатоци.

Празна сала, камера која снима во главите на гледачите, нема графика, нема и МТВ да потсетиме, статистика нема и еден ден потоа, Германците на 50% шут или 34 од 35, лудо нели? Судии по незнам кој пат кои не заслужуваат да судат…

Во првиот дуел, германците дојдени по одбрана на титулата, но во сезона која ќе треба да ги врати на тронот и во домашното првенство. Екипа созидана на проверени германско-скандинавски темели, освежена со двајца словени, кои патем ги користат за прљавите работи, играта во одбрана. Со сигурна игра и голема ротација, наметнаа свое темпо кое нашичаните никако неможеа да го испратат до крај. Интересна екипа за мене и од антрополошки аспект. Бековите тенки и релативно ниски, пикерите слични, голманот најголем горостас. Да наликуваат на ракометари од една нова ера. Дали ќе пристигне и ќе трае времето ќе покаже.

Хрватите пак после една добра сезона за нив, како со пласманот на Ф4 да ја достигнаа својата катарза, па загубија дома од Загреб за титула и во Лисабон од Магдебург за финале. Немаат во своите редови играчи со шампионско педигре но имаат многу, многу талент. Едноставно проектите на богатите земји и јаките лиги, за договори на повеќе години, за играње во јака лига секој викенд им остава простор за постабилен напредок и долги стази. Нашичаните исто како и Битолчаните многу ќе работат, многу ќе инвестираат и повторно нема да можат да ги задржат најдобрите.

Јагањац, заминува, прашање на време е и за останатите.

Со чувство како нешто да недостасува, ја евидентираме победата на Магдебург за влез во финалето.

The post За ЕХФ, всушност и УЕФА и ЕУ appeared first on Само Ракомет.

Вечерва тој од мене доби оценка двојка. Иако искрено оценката до 48 минута му беше чиста петка. Дури и првичниот наслов “Бабиќ дипломираше” кој што првично му го посветив само нему, морав да го менувам.

Ако онаа старана поговорка велеше “Крајот го краси делото”, вечерва таа ќе треба да ја смениме во “Крајот го упропасти делото”. Бабиќ за жал го врати тимот и чувствата на едно минато време, кога Алушевски како по дефиниција ги губеше натпреварите во последните 15 минути.

Вечерашниов текст мора да биде поделен во два дела.

ПРВ ДЕЛ ДО 48 МИНУТА

Видовме еден сосема одличен Пелистер,

• Периќ во поле ја водеше топката и додаваше како кошаркарски плејмејкер, како Врбица Стефанов во своите најдобри денови
• Играта борбена, со многу “ќотек”, за сметка на темпото и брзината на истата. Игра која што му одгвоараше само на Пелистер. Секоја чест за постигнатото
• Бековите разиграни, особено Табоада со исклучителна разновидиност во изборот на шутевите.
• Секељи можеби на статистика нема да има којзнае какви бројки, но одбраните му беа секогаш во вистинско време кога беше потребно, а многу често се работеше и за одбранети зицери.
• Пикерите борбени и во форма.
• Техничките грешки сведени на минимум

ВТОР ДЕЛ ОД 48 ДО 60 МИНУТА.

• Серија чудни грешки во поле.
• Промашениот пенал на Периќ за плус 5, што допринесе да се разбуди публиката.
• Спортинг во одбраната на Скок, доби и голман, иако само за 12 минути.
• Еден не досуден чист пенал над Граџан, и сето тоа ги врати домаќините во живот.

На крајот како шлаг на тортата, повторно Бабиќ во главна улога, со чудните одлуки за играње со или без голман допринесе да имаме ваков резултат, кој што е чисто плод на неговата одлука дека тој е задоволен со тој бод. 

Јас, а и сите љубители на ракометот се прашуваме:

-“Зошто човеку само бод? Па веќе ги имаше разбиено и скршено. Само требаше да ги “посолиш” и да ги “изедеш”

ЗАКЛУЧОК:

Сепак Пелистер прераснува во сериозен тим, кој што ја темпира својата формата за најважниот натпревар, (слободно ќе кажам за нив) во последнава декада.

Вардар и неговиот кормилар, сериозно треба да се запрашаат и подготват за мегданот кој ќе ги чека во жешката битолска сала. Формата на тимот од Битола е во нагорна линија, има сериозна серија од позитивни резултати и има значајно подобрување во квалитетот на играта.

До дербито во Битола….

Ве поздравува

Александар Бицевски

30.11.2021 Лисабон

ЕХФ Европска Лига

Спортинг Пелистер нерешено !

The post БАБИЌ ГО ПОЛОЖИ КОЛОКВИУМОТ, НО НЕ И ИСПИТОТ appeared first on Само Ракомет.

Па луѓе мои, Пелистер е димензиониран да го нападне Вардар, а не да губи од Кадетен 8 разлика во рана фаза.

Или еве да одиме чекор по чекор. Клучен фактор на лошата игра е ѕвездата број 1 Мандалиниќ. Од него сите очекуваме да биде страв и трепет, но никако во пет минути да продаде 5 топки. Во ситуацијата кога број 1 не е пристигнат на натпреварот, тешко е да се очекува дека тимот ќе одговори зрело.

Од страна гледано делува дека играњето спор ракомет поготово на гости треба да ти даде предност и да го направи домаќинот нервозен. Но Бабиќ постави спор ракомет со експресно губење на топката. Бековите се влечеа и тоа исклучиво кон центарот, а домаќините свежи и не наивни одлично затворија. Тие повеќето имаат искуство од германското првенство а и тренерот е од ракометна средина. И доколку нешто и поминеше за среќа на Кадетен, голманот ќе одбранеше.

Во нападот преспоро, лошо и некоординирано. Бројот на исклучувања во статистиката можеби ќе делува дека имало страшна борба, но факт е дека повеќето беа поради влечење за дрес, старт на шутерска рака или недисциплина !

Дека конците некој не ги влечеше како треба, еве неколку примери, Периќ под фаул лежи на теренот, за среќа досуден пенал, Бабиќ го праќа да го изведе пеналот. Човекот ни крив ни должен промашува. Секељи кој во неколку наврати покажа дека е квалитет, за 15-20 минути има само две интервенции, Бабиќ го остава цело полувреме а разликата расте. Марковски игра солидно во два правци, реализира во напад, Бабиќ веднаш го вади. Нововлезениот Граѓан кој патем е борец, но квалитетот под ниво на елитни такмичења прави неколку грешки во нападот. Обрадовиќ по пресечена топка на 9 секунди до крајот ја смирува транзицијата, па потоа шутира од центар, Бабиќ немо гледа…

Имам уште во нотесот забелешки но ќе завршам за него со последниот тајм аут. Човекот подготвува акција а незнае колку играчи има на располагање. Епа луѓе мои на Алушевски крвта му ја испивме за мнооогу помалку !

Еве несакав но, на почетокот на второто полувреме, кога конечно очекувавме некаква реакција од клупата не донесе ништо ново и разликата намалена на крајот на првото полувреме повторно порасна.

Кадетен малку се опушти па падна во темпото, пелистерци ја стегнаа одбраната. Можеби најдобриот потег на Бабиќ на натпреварот, а верувам веќе бил откажан па затоа така реагирал, беше ставањето во игра на Кизиќ, Велковски, Танковски, повеќе минути и за Куковски и Марковски. Во таква една констелација на повеќе борци на теренот, вклучувајќи го и Радовиќ, заигра Периќ па безмалку феноменално.

И тогаш Бабиќ рече, играме 7 на 6. И самиот помалку изненаден дека неговата екипа се врати. За да биде сепак по негово, иако не играше врвно но сепак прилично сигурно и искусно па и без грешка Велковски, тој го извади. Глеј чудо, младиот и талентиран десен бек Мараш беше изгубен, па со неколку глупави потези им дозволи на швајцарците да се одлепат.

Еден гол од аут, еден од сендвич, на Марковски, гол на Танковски, па и на Велковски, цепелин на Божиќ, бомба на Периќ, одбранет зицер на Кизиќ, непотребната нервоза и недисциплина на Куковски и Танковски, се сцениоте од крајот кој значеше бод.

Дека сепак главен виновник е стручниот штаб говори и ситуацијата кога германките, иако имаа неколку контроверзни одлуки, сепак на крајот ја толерираа недисципланата на Танковски недржејќи 3 метри растојание. Никој од клупата не го опомена па следеше казната.

Побурно од што во голем дел од натпреварот делуваше, со многу важен бод за понатаму заврши овој натпревар.

Верувам дека Бабиќ е голем познавач на ракометот, но или тој ги потценил Битола и Македонија или нешто друго “је посриједи”!

26.10.2021 Во ветената земја на многу наши сожители

Европска Лига на ЕХФ

Кадетен 28 Еурофарм Пелистер 28

The post Бод голем ко Баба … appeared first on Само Ракомет.

Ростерот составен од играчи кои настапувале во Лигата на Шампионите. Мандалиниќ, Божиќ Павлетиќ, Обрадовиќ, Марковски, Велковски, Секељи, Граџан, Кукоски, Кизиќ. Можеби и некого погрешив. Бабиќ се жалеше дека клубовите од ЛШ имаат поинаков квалитет.

Ним е исклучително јак тим. Без дилема. Како што зборувавме во суперлативи за Монпеље, безмалку истото важи и за нив. Но …

Пелистер слабокрвен, малодушен, не трчаше, промашуваше пенали, од Дебоне направија голман од светска класа. Борбеноста на минимум, но чинам и уиграноста, како да не тренирале. Со 7 на 6 се мачеа и тонеа. Во напад споро и неинвентивно, ракомет од олимпијадата во Минхен, ама оние послабите репрезентации.

Почетокот на второто полувреме и добрата игра на Пелистер го изненади и Бабиќ. Тој веќе подолг период ја слуша Оди си …од трибините. Ниту тактички ниту енергетски па на моменти се чинеше дека и физички неможеа да парираат. Пелистерци со спуштен гард. Единствен детал од кој сите може да бидеме задоволни е бројот на изнудени пробивања. А да и Граџан беше непогрешлив. Премалку !

Кои се причините? Дали екипата е слаба, дали слабо се подготвувале, дали слабо тренирале, дали Ним во моментов е прејак, дали Бабиќ на сите им е веќе преку глава? Недостасуваат ли јаки дуели? Ним доаѓа од дерби со ПСЖ а Пелистер од дуелот со кадетите на Будимир.

И на крај ја нотирам и енергијата на Бабиќ на тајмаутот за -3, браво ! Конечниот резултат во споредба со изведбата сепак одличен.

Ако по народната првите мачиња во вода се фрлаат, Бабиќ ќе има шанса веќе наредната недела за консолидација.

19.10.2021 Во Младост, Битола, Македонија

ЕХФ Европска Лига

Еурофарм Пелистер 21 Ним 26

The post Жељковите први мачиња? appeared first on Само Ракомет.