Ѓоргонот вели дека е највитаен, спортската јавност дека е бро 1, но несомнено Ракометот се издвојува од секое останато спортско случување во Македонија

Како изгледаат главните фаворити во очи на почетокот на новата сезона, кои се нивните цели, каде ќе звршат на крајот Пелистер, Вардар и Алкалоид, се дел од нашите тези…

Погледнете го почетокот на 4 тата сезона на видео подкастот САМО РАКОМЕТ

The post Во Македонија почнува 33 та сезона во Ракомет appeared first on Само Ракомет.

Во натпревар во кој ни најголемите и вечни оптимисти не се осмелуваат да прогнозираат изненадување, а знам дека клупата не е дел од таа формација, Пелистер чесно загуби.

Ангеловски се обиде, и успеа да ги изненади Ладните, предводени од мојот омилен лик, двојникот на Оливер Драгоевиќ, но немаше доволно сили, или верба, или со новинарски термин расположени играчи за комплетен Шок. Пелистер се носеше прилично храбро, па овој пат само нијанси ја создаваа разликата.

Битола мора да биде трпелива. Од исклучително значење е сите фактори да останат фокусирани на приказната. Македонија нема многу опции, притисната од западните неправди и домашните предавници, чекори на работ, а таму е многу опасно.

Со речникот на статистиката, многу време измина од Черваровиот Металург и високиот имапкт фактор на Македонските играчи во Лигата на Шампионите. Во Битола од 28 погодоци 17 беа постигнати од Македонци, на теренот неретко 5 па дури и 6 Македонци.

Пред години посакував Металург да се заштити со закон, од неодамна и за Вардар имам такви желби, а би рекол, Битола, Скопје, Струга, Кавадарци, Охрид, Богданци, Ресен, Свети Николе, Велес, Прилеп… сите тие центри на ракометот мора да се заштитат!

Битола мора да издржи, да научи да живее и со пораз и со победа, да биде трпелива, да инвестира, да бара да агитира ! Битола мора да научи да вади максимум од посетите на вакви Гиганти, да не се сведуваат само на неколку потписи и селфи за најупорните.

Ракометот е една ретко убава и успешна приказна во Македонија.

The post БИТОЛА, Издржи ! appeared first on Само Ракомет.

Како се станува спортски новинар, кои беа клучните имиња во Македонското спортско новинарство? Дали има иднина и кој е виновен за сегашните состојби, неможевме да имаме подобри соговорници од ведетите на Македонското спортско новинарство, Југослав Костовски и Перо Момировски.

Многу теми останаа незавршени, па ветивме повторна средба !

Погледнете …

The post Умира ли Македонското спортско новинарство? appeared first on Само Ракомет.

Сезоната која измина, на домашно, европско и светско “тло” од ракурс на македонскиот ракомет, подоткри една низа знаени и незнаени недостатоци. Дел системски, дел стекнати, дел наметнати.

ЕХФ пак, таква каква што е, елитистичка, спора, тромава и кусогледа, го разоткри своето лице уште повеќе. Неможам да ги оттргнам мислите од последниот Ф4. Навистина сериозен спектакл, кој привлекува се повеќе и повеќе внимание, барем кај ракометната публика, а заробен во снобовството.

Еве ќе почнам од нив! Форматот со 16 екипи во кои неможете да влезете ако немате рејтинг како држава е тотално фрустрирачки за развојот и популаризацијата на ракометот. Или просто кажано ако немате многу пари или ако едноставно не ве бендисуваат може да сонувате само за Лигата на Шампиони. Колку ли е ова депримирачко за клубови од над 30-40 европски земји неможам ни да замислам. Всушност и можам, ако се навратиме на геноцидот врз македонските клубови и хајката врз македонските судии и делегати, косата на главата ми се крева. Последениот крик на Динамо Букурешт, само ја дополнува мојава констатација.

Вака, никогаш ракометот нема да се доближи до кошарката, а не пак до фудбалот!

Изборот на судии и нивното тенденциозно судење, иако рака на срце Магдебург изигра и машки и тактички и жестоко, го вратија Германскиот ракомет на тронот. А како и да не го вратат кога овие пустиве на сред Ф4 фокусот им беше во продажба на карти за следната сезона, и пак во Келн, досадно и свирепо. Ниту Германија го измислила ракометот ниту Германците се единствените на планетава што го сакаат.

Тики ај нашата черга да си ја гледаме.

Форматот со сите, во супер лига, најверојатно ќе заврши. Долго и широко се лобираше за покус формат, се надевам ќе осмислат најдобар можен модел за сите конечно да имаме бенефит. Клубовите, играчите, Репрезентацијата и секако публиката. Формата со комисија за делегирање на судии исто така неуспешна. Поддршката кон репрезентацијата и состојбите во неа лабави, или климави. Да се слегне прашината и рестарт и таму, ќе биде од корист за сите.

На Вардар му се случува, малку потивко, Металург. Со огромна почит кон влогот во Македонскиот ракомет, кој долго ќе треба некој да го надмине, но Вашето време Михајловски помина. Колку побрзо го реформирате и го предадете во раце на нови амбициозни луѓе толку побрзо шансите за повторно раѓање на Вардар ќе се зголемат. Јорданов ко слепец за стап го чуваше Металург и не го дочува, напротив го закопа, а сите знаеме дека имало обиди да се спаси.

Битола ги дочека своите 5 минути, дај боже да може секој Битолчанец, и оние страстните и оние помалку, да ги доживеат миговите од мемоарите на црвено црната армија, мигови од период кој траеше 6,7,8 години. Таму ќе треба од петни жили да се работи и ракометно и инфраструктурно, за да Битола, се етаблира како ракометен град од мапата на европски великани.

Алаклоид, за краток период стана фактор со огромен импакт. Пропратен со доста прашина, која зад себе ја крева икона од калиброт на Кирил Лазаров, во кус период покажа дека со доволно пари и добра стратегија може до резултат. Како тие понатаму ќе ја кројат својата судбина зависи од многу фактори. Сценариото со македонски играчи засега прилилно солидно. Но, не е тајна дека секој врвен познавач на ракометот ќе потврди дека со неколку квалитетни странци и нашите деца ќе може да напредуваат. Само да останат неколку !

Молкот околу неколку скандални ситуации или инертноста во донесување на одлуки е сигнал дека и во РФМ е потребна вентилација. Ракометот е во подем, несомнено, тоа го потврдуваат и клубовите од вториот и третиот ешалон. За овој тренд да остане така, мора сите машки и чесно да работат.

За женскиот ракомет, веќе нема да зборувам.

Летово сите со ладно пиво на плажа и стиснати палци за момците на Раде и Бранче, тие се на светско а тоа не е мала работа!

Да живее МАКЕДОНИЈА !

The post Kраток ракометен брифинг appeared first on Само Ракомет.

Притоа, никој од нас не помина на црвено, неколкумина се обидоа да не платат билет во трамвајот, не помина, со насмевки кажуваат, не е голема казната, ама нема веќе. Кучиња скитници невидовме, ниту сообраќаен хаос, полиција на секој чекор, присутна, немо набљудува, има многу туристи. Отпадоци ни за лек, сите дисциплинирани, па да и љубезни. На главниот плоштад десетина кочии со прекрасни коњи. Утрово на појадок низ прозорецот гледаме градежни работници интервенираат на покривот. Сите со шлемови и заштитни јажиња.

Сликата за нас нејасна, онаму каде ние живееме владее хаосот, поточно уништено е се !

Вчера, денот по утрото беше најавен, нигде сонце, само еден ситен досаден полски дожд. Како што повеќемина реални познавачи на состојбите во Македонскиот ракомет прогнозираа, а Манасков по поразот од Норвешка најави, Македонија присуствуваше на час по современ ракомет одржан од страната на Лук Стеинс и другарите. Ви благодариме. На трибините повторно прекрасна атмосфера, пола црвено жолти пола портокалови. Да сигурен сум, на трибините повторно ние победивме, но на теренот повторно не !

Ги барам причините, ама повеќето ги знам, во најавата за мечевите доста пишувавме, а во подкастот со Славе и Џоле прилично и објаснивме. Сепак желбата за победа сеуште е жива.

Денес зборував и со Зенга, Зоки Петковски. Наша голманска легенда, денеска тренер во младинските категории во Вардар. Пренесувам еден негов став напишан во предвечерието на ова светско, изворно:

Почнува Светското првенството во Полска , ние кои сме ,,заразени,, од спорт ,во нашиот случај ракомет ,едномесечен празник на душата исполнет со многу интересни натпревари , каде се очекуваaт изненадувања пријатни, од вториот и третиот ешалон на репрезентации по квалитет . Дај Боже ние да бидеме тоа позитивно изненадување, и уште еднаш ни ги стопли срцата во овие ладни јануарски денови. Но сакам да напоменам неколку работи , да станат појасни за некого помалку упатени во ракометот.

1. Кај нас ракометот е спорт број еден подолг период , самото по себе очекувањата се големи за поголем број љубители на спортот, но дали сме реални ?

– Дали знаете дека во нашата држава се занимаваат со ракомет во сите категории од пионерска до сениорска , колку еден осреден ракометен град во Данска, Германија или Шведска ?

– Дали знаете дека и како нација генетски не сме на завидно ниво , антропомтриски да парираме на големите велесили (како што викаше еден тренер на килажа и метража) , значи од квантитет да ,,избрусиме,, квалитет ?

– Дали знаете дека освен неколку клубови , останатите се борат за гола егзистенција, условите ни се очајни. Ладни сали , немање соодветни ракометни реквизити, спортска опрема несоодветна за овој дел од годината, буџет за летни и зимски припреми освен неколку суперлигашки екипи стаклен, другите немаат воопшто меѓународни турнири и пријателски натпревари ?

– Дали знаете дека буџетите на репрезентацијата и врвните клубови кај нас ни се неколкукратно пониски (минимум 50% до 80%)од водечките и средни репрезентации во европски рамки?

– Дали знаете дека во моментот Холандија и Аргентина котираат подобро на ракометната берза од нас, за Норвешка да не зборуваме воопшто?

После овие факти кои ги изнесов и се дефинитивно точни, дали имаме право да критикуваме мерно и немерно … Да се разбереме , не ми е целта некого да бранам или заштитувам , напротив да ви доловам каде сме во европски и светски рамки.

Што имаме? Срце ,борбеност и еуфорија во репрезентацијата , која со години наназад не краси. Момчињата даваат и повеќе од своите реални можности, се надминуваат самите себеси . Го докажале тоа многупати , без разлика која генерација се работи, и кој е селектор 80-90 % ќе ги селектирале истите играчи . Направена е комплетна промена на генерација, а не се почувствува на резултатски план , го заджавме континуитетот на големи натпреварувања, од 2009 до денес. Како викаат пред фактите и вистината и Боговите молчат. Муабетот ми е, да не имаме два милиона селектори, кои ќе критикуваат мерно и немерно , бидете достоинствени во критиките, да бидат конструктивни и да ,,држат вода,, да бидат реални и имаат поука. Секогаш може подобро треба да биде мото на секој граѓанин , љубител на спортот со својот коментар и критика. Доколку вистински ја сакате својата држава и патриотски сте настроени , давајте одмерени изјави,статуси,постови …

П.С. Иако кај многумина овој статус нема да има ефект , сепак за некого вреди да поразмисли малку повеќе од ,,широката народна маса ,, со својот коментар, доколку има свест и совест …

Македонија загуби од Холандија, тие дојдоа со зелена карта, но така беше и со Данска на едно европско па стана шампион. За фудбал евоцирам спомен.

Мојот повик е следниот, додека директорот на Агенција за млади и спорт, која е единствената институција во Македонија која може и треба да работи за спортот и спортистите, за време на едно елитно светско натпреварување, отвара детски игралишта, место да биде на трибина со подршка, критиките кон играчите да престанат. Сиот гнев и горчина кој се создаде, да се пренасочи на вистинската адреса.

Насловот по сугестија на еден од најеминентните Македонски тетарски режисери на денешницата, Пројковски, всушност требаше да гласи БЕЗ НАСЛОВ НО СО ПОВОД…

Кон поразот на Македонија од Холандија а во пресрет на дуелот со Аргентина

Од Краков, за САМО РАКОМЕТ, Виктор Христоски

16.01.2023

P.S. Ми зачестија завршниците со овој темплејт…

The post Македонија во цивилизациски вакуум ! appeared first on Само Ракомет.

Како второ и суштинско, гледање натпревар во сала во живо, и гледање на ТВ се две сосема различни димензии.

Доаѓам до третото, а тоа е темата од насловот. Синоќа во Таурон Арената во преубавиот полски Краков, иако на моменти во првото полувреме сликата на паркетот се совпадна со најавата на селекторот, шоуто сепак го имаа Македонските навивачи.

Една видлива поголема и една помала портокалова група, останата по победата над Аргентина, две три расфрлани но адекватно подготвени групи норвежани, наеднаш се најдоа во средината на едно, однапред подготвено црвено-жолто цунами. Не, не, за нас нумерираните карти немаа моќ, само љубовта кон татковината, кон Македонија и страста за таа топка.

Можеби илјада, можеби и повеќе, не сум сигурен, но овие претходниве и неколку гаучоси, една симболична бројка на неутрални ракометни љубители, беа сведоци на оваа натприродна појава. Да ние сите бевме свесни дека иако кралот најави а играчите така и се однесуваа во добар дел од првото полувреме, победата беше сместена во жанрот НФ. Јужната преплавена од македонските навивачи беше во борбен режим 60 минути. Овие гореспоменативе кои генерално беа зафатени со редовна достава на полско светло, со погледи прашалници кон Фалангата.

Еј, па губите веќе со 7-8 … е да ама ние Македонија ја сакаме и кога губи, а тогаш пак ја сакаме и пожестоко и покрваво и потемелно.

Една норвешка труба на моменти, кога тапаните ќе стивнеа ќе фатеше некоја мелодија или марш, па ќе станевме свесни дека и тие се дојдени да навиваат за своите. Но магијата на Македонците е поинаква, покомплексна, таа во училиште не се предава, со неа ние се раѓаме.

Има поминато неколку децении, откако една исклучително харизматична и колоритна група Шкоти слетаа во Скопје да ги бодрат своите фудбалери, мамејчи срамежливи погледи и воздишки низ центарот, правам паралела.

Размислував тогаш, браво, Вие сте вистински амбасадори на Вашата земја, правите Шкотска да биде земја која ја запознавам и почитувам.

Ако и само еден случаен минувач, пољак или германец, холандез или швеѓанец, ма било кој, само на момент ја дели мојата мисла, целта е постигната.

Македонија е дел од ракометната елита, а ние навивачите со нив ја раскажуваме приказната за Македонија.

Ах дам знам, игравме доста слабо, во одбрана очајно. Многу лесно не пробиваа и технички и физички поспремните норвежани. Во нападот сеуште не видов ништо од новата Македонија, можеби и викинзиве не ни дозволија. Младиве повеќе на клупа отколку на паркет, ама небитно, потполно.

Нашата вистинска битка е в недела, а Курск во вторник!

Денеска го разгледавме Краков со Катја, локален водич, кој копнее по Охрид. Таа за Македонија зборува со почит. Полска е голема и моќна со богата историја, но ниту пола од макеоднската, ниту половина болка нема запомнето како вас макеоднците, забележа.

Хм, треба да отпатуваме илјадници километри од дома за да разбереме кои сме.

Денес беше сабота, Краков беше облеан во сонце, нетипично за ова време од годината, ако и малку има симболика, и ако сонцето е во мода…

Кон поразот на Макеоднија од Норвешка а во пресрет на дуелот со Холандија

Од Краков, за САМО РАКОМЕТ, Виктор Христоски

14.01.2023

The post Македонската ракометна пасија, неразбирлива за остатокот на светот! appeared first on Само Ракомет.

Вака некако звучеше говорот на Лазаров на тајмаутот во Јане, вчера попладне. Ден потоа ги сумираме впечатоците.

Почнавме со констатација дека порано се собиравме за Барса, Кил и Веспрем, Флензбург, Киелце и остатокот од европскиот крем. Токму тој, европскиот ниту бил крем ниту имало трошка доблест во него. Нејсе, се собравме за првиот од посериозните дуели оваа есен во Македонската супер лига.

Во Јане пристигнаа јуришниците на Лазаров, збир на многу талент на мал простор, одличен спонзор, фантастични услови за работа и многу надеж.

Продолживме со оддавање на последен поздрав на прерано починатиот Доне, Андон Бошковски, заедно со неговиот татко и основоположник на современиот ракомет во Македонија, Лефтер, оставија неизбришлива трага во Македонскиот ракомет. Прерано, предвреме, не напушти, ни беше во радарот како соговорник, како човек кој одлично го познава ракометот.

Почивај во мир Доне

На почетокот на сезонава детектираме движење во три развојни правци во машкиот македонски ракомет.

Првиот Вардаров, во кој Вардар со сите сили и средства гребе по ѕидовите на славното а скорашно минато и се обидува да се одржи таму високо, Шампионски. Тоа ќе биде тешка задача од повеќе аспекти. Помал буџет, помал ростер, неискусен тренер, малку сериозни натпревари, можност носителите на играта да опаѓаат во формата како ќе минува есенскиот дел. Можност од повреди. Но и од други надворешни влијаниа. Пред се од вториот и третиот правец. Понатаму, бремето и притисокот кој го имаат и ќе го имаат, Карапалевски, Мишевски и Савревски пред се но секако и Лазаревски, Атанасовски, Ќосевски.

Вториот, Битолски, Пелистерски, точката на вриење под Тумбе кафе одамна е надмината. По извршената трансфузија, свежата крв делува пристојно. Веќе им ја земаа мерката на Вардарци.

Третиот и најкоментираниот е токму на РК Алкалоид. Огромен е отпорот кон овој клуб. Не се штедат ни дрва ни камења, просто феноменот на македонецот пуштен на најсилно. Ја знаете приказната со пеколот, со лонците, со чуварите на лонците и со македонскиот лонец без чувар !

Малку и за ракометот. Јас навистина уживав. Зажалија сите оние кои не дојдоа. Атмосферата со едвај илјада или малку повеќе гледачи, феноменална. Натпреварот безмалку па атомски. На 800 м2 ги видовме безмалку сите репрезентативни сили. Као некогаш кога играа Вардар и Металург.

Двата тренери подготвени. Овој од насловов, делуваше за нијанса или две по подготвен. Тој наметна брзо темпо, сериозна ротација, агресивна одбрана, длабока зона, контра, полуконтра, напаѓаше каде што е најтенко. Кире, мене ова многу ми се допадна.

Овој другиов, со потешка задача, како да ги мотивира своите, како да ги сочува од исцрпување и повреда, како да игра поспоро а посигурно. Клучот е сепак и во играчите. Столе, Манасков, Џомба, сега и Тале, Томовски, па и Куни се зрели и исклучително искусни играчи. Притисокот врз Карапалевски расте, но незаборавајте, со висок притисок се создаваат и дијамантите. Бутин те чека многу работа.

На момент помисливме дека Недановски ги изгуби конците при водство од 4 разлика, па ја измеша поставата, што можеше да го чини прескапо. Сепак Вардар сеуште е институција и во Македонија, секој што сака да го победи ќе треба да вложи 200%, многу среќа и можеби уште нешто.

Почитуваниот Југо од Македонската телевизија, џентлменски не го коментираше судењето, но јас можам. Парот Начевски и Божиновски, навистина под нивото, иако скоро се закитија со неколку значки. На моменти доцнеа, на моменти не реагираа, дозволија да се создаде огромна нервоза и на трибините и на клупите. На онаа црвено црната на моменти до вриење. Сакам да потсетам дека истава двојка пред само неколку денови, создаде таков хаос на натпревар од женската лига, за кој допрва се чека разрешница. На прагот на својата меѓународна одисеја очигледно се под стрес и притисок.

Не сакам да ги заборавам и двата голмани, Трајковски пред се во првото и Томовски во второто полувреме, даваа ветар в грб на своите екипи. Па токму Томовски со одбранети пенали и контри кон крајот е можеби и играч на натпреварот. Играч кој остана забележан од сите, Марко Стојковиќ. Ова “ситно” момче чинам само е прашање на време кога ќе влезе во бележниците на врвните европски екипи.

Презадоволни од прикажаното сумиравме дека попладнето во Јане беше одлично потрошено. Со говорот на Кире се одјавувам, кога би имале вакви мотиватори, стратези и визионери во повеќе сфери во татковината, најверојатно Македонија немаше да дозволиме да ја доведат до ова ниво на кое сме.

Скопје, Македонија, вчера на 24.09.2022 Во Јане,

Вардар 28:25 Алкалоид

The post Треба храброст, треба срце, треба верба … appeared first on Само Ракомет.