Понекогаш само жалам што не се занимавам со новинарството, професионално. Да можам да се посветам 24 часа дневно, 7 дена во неделата.

Рубриката на која кумашинот и е кум, CATCH THE MATCH, одсекогаш ме пленела, но изискувала од мене и најмногу ангажман. Да, ако нешто работам сакам да биде како во песната на Балашевиќ.

Ракометниот викенд, за кој често имав забелешки околу термините, почнува денес. Браво, така треба, ќе ги гледам безмалку сите натпревари со доволно време за подготовка и сумирање впечатоци.

Денес Алкалоид го пречекува клубот од градот феномен. Струга е ракометен феномен, постојано и постојано, од таму пристигаат нови и нови ракометари. Дали е до Бељвицата, до Дримот или нешто друго, ветувам ќе откријам еден ден. Тие само пред некој ден станаа Училишни шампиони на Македонија по кој знае кој пат.

Алкалоид по периодот со резултатски потреси, се стаблизира, дури и играта му е се поубава и погледлива. Македонскиот Вицешампион ќе има ѓаволски тешка задача да го повтори успехот од минатата сезона, но во констелација на сегашните односи на силите, вложените средства и бројот на странски аквизиции, сеуште одлично котира.

Во сабота во Јане пристигнуваат Лозарите. Дали Вардар подготвува освета, незнам, но знам дека интензитетот на тренинзите го сменија. Поразот во срцето на Тиквешијата, многу боли. И како што Раде во гостувањето во подкастот се потсети, титулата не се реши ниту во Скопје ниту во Битола, ами во Кавадарци, трилер !

Во недела е најважниот натпревар оваа сезона за Битолчани. Во Охрид! Втор дел од трилерот! И ако кладилниците ја постават оваа утакмица, верувам дека ќе има интерес. Пелистер како никогаш порано, под палката на мојот пулен, делува стабилно. Малку недостасуваше Пурино да влезе и во аналите на Македонскиот ракомет како тренер кој во две сезони, со две екипи, во две различни лиги, прва и супер, не доживеал пораз!

Гладијаторите пак, ама баш ме интересира како го добија името, а не е лошо, патем речено, водени од созреаниот Аљуш, на крилата на најавените засилувања и буџетски и играчки за следната година, ќе се обидат во, и за нив најважниот натпревар во сезоната да направат сензација. Сензација која ќе го врати скопски Вардар на тронот, а ќе ги однесе Охриѓани на високото второ место!

Во Скопје на маргините на колото, дуел на двата преостанати Скопски клубови. Тие погонувани на многу искуство и сиров и млад талент, за сите претставуваа проблем. Во овој двобој ќе си ги одмерат силите и ќе се обидат да го избегнат претпоследното место на табелата.

Кој сака ракомет ќе има што да гледа, а кој сака и да патува, нека вози внимателно кон Охрид, автопатон уште не бил готов !

The post Пелистер ја брани титулата! appeared first on Само Ракомет.

Неоценувајќи ја естетиката и вештината на веб дизајнерот, застанувам кај секцијата спонзори. Бутел има 10, австријците 95, повторувам 95 и згора на тоа уште 25 партнери на клубот.

Ги гледав Бутел со Вардар, имав прилика кратко да поразговарам со Грчевски за австријциве, вели, човеку екипа се !

Се понатаму што ќе биде речено ќе биде излитено и излишно, секоја статистика секоја забелешка. Ние создаваме таленти, тешко играчи, создаваме амбиент не и услови, создаваме тимови не и екипи.

Моето пак внимание го освои омилената ми ЕХФ. Навистина ама навистина не ми е јасно каков критериум имаа при изборот на бугарските судии. Се воделе по квалитет, локација, младост, харизматичност или повторно ни праќаат порака?

Од друга страна, публиката одлично се забавуваше, судиите беа на репертоарот. И не само заради нивнoто етничко потекло, но и поради елементарното непознавање на ракометот и очигледната намера да судат во корист на хабсбурговците.

ЕХФ повторно ти се смееме.

Сакам да ги пофалам Бутелчани сепак, играа до крај, без малодушност, полудени од одлуките на двајцава недефинирани, пробаа скоро се. Грчевски ротираше, менуваше одбрана, играше агресивно но сепак нашите бекови ја загубија битката а со тоа и војната. Згора на се во воведниот дел и ракометниот Пижон имаше премногу одбранети зицери.

За крај и огненото дерби на малиот Субашевски со 4/4 за одлична промоција во светот на ракометот за големи.

Во Скопје, очекувано, Бутел загуби од Алпла Хард, и не успеа да се пласира во групите од ЛЕ. Таму, во колевката на либерлните, за нас неразбрани, практики, Македонија годинава само со еден тим.

The post Бутел немоќен, судиите Европeиски ? appeared first on Само Ракомет.