Не можам да го занемарам фактот дека во рок од 24 часа повторно видовме неквалитетен ракомет. Првото полувреме во духот на ако мора ќе играме, лошите судии и уште полошата реализација на двете екипи.

Еден од интересните моменти беше секако и Вујо на трибините, како потврда дека немаше многу што ракометно да се види.

Вардар можеби прикажа добра одбрана, особено во првата фаза од второто полувреме па и два сосема солидни голмани. За Томовски знаеме но полека и сосема скромно на површината испливува и Гогов. Она што радува секако се само 2 примени голови за безмалку 20 минути. Добро покривање, добро движење, антиципација. И сето тоа и повеќе од доволно да се совлада шампионот на северниот ни сосед. Се, под 10 разлика сметам дека е апсолутно лошо имајќи ги впредвид аквизициите и амбициите на црвено црните.

Нападот е посебна приказна. Цела Македонија очекува бековска постава која ќе биде континуирана закана, но сем повремени блесоци континуитет нема!

Дека и во Вардар не се сите овци на број ни доловија французите во својата емотивна и експресивна комуникација, Тото и еден од Њокасите. Може даделува прерано констатацијата дека пак Дејвис на клупата делува доста посмирено од Вујо и дека се обидува да решава ракометни а не политички прашања.

Во Вардар дијамантите се вечни, па така Дибиров со само 30 минути, и капитенот во само десетина, на сите таму на теренот и нам покрај малите екрани ни демонстрираа што значи врвна класа. Со жалење можам да констатирам дека бевме разгалени од перформансите на плејада вакви играчи кои настапуваа пред се за Вардар но и за Металург, а сега со нетрпение ќе очекуваме појавување на уште некој нов играч од таков калибар.

Блесок на Мишевски во една акција и отсуството на македонскиот потенцијал на теренот, потврда на тезата од дуелот на битолчани дека и во СЕХА веќе нема место за младите. ШТЕТА !

08.02.2022 У Новом Саду ееееј СЕХА Лига

Војводина 16 Вардар 26

The post Во Вардар, Diamonds Are Forever appeared first on Само Ракомет.

Вујо се подготвувал несомнено. Почна прилично изненадувачки со 7 на 6. Како што вели Бранко Ангеловски, првиот тренер на македонската сениорска селекција но и на новиот РК Алкалоид, екипата која сака да потроши време ќе игра 7 на 6. Па така и беше, Вардар несакаше брканица. Во исто време, Загреб мораше да ја стесни одличната подвижна и длабока зона од Скопје, па се чинеше дека Вардар ќе има лесна задача во нападот.

Тоа во најголем дел од натпреварот даваше резултат. Иако проблемот со реализацијата и со течниот напад се преслика од Скопје. Се што нападот ќе расипеше, вечерва одличната одбрана ќе поправеше.

Подвижна во безмалку сите комбинации, агресивна и на моменти дрска, му овозможи на за мене првата звезда од овој двомеч, Томовски да бриљира. За него и во минатото зборував како за играч со фантастична енергија, но очигледно во иднина ќе зборуваме и за играч кој прави разлика на теренот. Човеков во првото полувреме долго време беше на 50% одбранети удари !!!

Втората ѕвезда која ја добива Вардар е Тото. Па тој е играч каков досега не сме виделе. Тој е еден хибрид од Абутовиќ и Мораеш. Играч кој на Вардар му носи фантастична одбрана и уште поважно сигурна реализација во нападот.

Да прелетаме, преку повеќето играчи. Дибиров како скапо старо вино, Ѓеорѓиевски ја потврдува класата, Столе капитенски, Гурбиндо македонски зет, слика има ама некако на тивко сеуште. Кудуз под импресии од првото одлично издание, Валчак се подобар. Најинтересен сепак Талески. За малку како во народната со кравата и млекото. Три одлични погодоци во клучни моменти плус асистенција, за потоа 2 изгубени топки. Дека сеуште незнаат што значи Вардар, Диало и Моралес. Гаџа, времето ќе покаже.

Вардар делуваше и доста посамоуверено, па дури и кога беше на -3 не паничеше. Иако таа самоувереност на крајот можеше скапо да ги чини. Но факторот искуство, Дибиров и хибридот Тото не дозволија изненадување.

Вардар е во Ф4, ја продолжи традицијата и што е уште поважно веќе за неколку денови ќе знаеме дали ова писание е само излив на емоции или е поткрепено од реалноста.

31.08.2021 Загреб, Љепа Наша,

СЕХА четвртфинале реванш

Загреб 25 Вардар 22

The post 10 то финале во СЕХА за Вардар appeared first on Само Ракомет.

Енергетски екипата не беше подготвена да брка разлика нагости. Тоа се почуствува по говорот на телото на играчите, на тренерот поготово. По содржината на пораките на тајмаутите. По брзината на пренесување на топката на центар по примен гол. А примија безброј.

Тактички и за лаик како мене, беше очекувано Пелистер да ја забрза играта, ем да надокнади -4 ем нагости да постигне повеќе од 31 гол.

Во одбраната неуспеваа ниту фаул да направат ! Лошо покриваа, па белорусите без проблем поминуваа, или додаваа. Една од болките беше и слабиот ефект на голманите. Тие за жал се вклопија во сивилото на екипата. Заедно едвај 8 интервенции, премалку, на другата страна 13. Сосема доволно.

Во нападот… Е тука има што да се каже. Периќ по незнам кој пат, конечно отстранет во второто полувреме, кaко донесен сосила во сала. Силување, пробивање, солирање, со еден збор штетен по екипата. Во таква ситуација кога плејмејкерот не се грижи воопшто, следеше пад на концентрација на безмалку сите играчи. Мараш на моменти сјаен но во клучните кога се кршеше натпреварот во склад со народната, со деца тикви не се садат.

Мандалиниќ и Обрадовиќ делуваа најприбрано. Па за нив преодната оценка единствено. Иако не беа и тие совршени. Мандалиниќ промаши пенал при единственото водство на Пелистер, а Обрадовиќ ја занемари својата игра во одбраната.

Факт е дека екипата се опушти од притисокот на -8, кога натпреварот беше решен, па заигра доста посериозно. Сепак слабата одбрана, не го доведе натпреварот во ниту еден момент во неизвесност.

Заклучок. Во интервjуто на Бабиќ за 24 ракомет, во повеќе наврати зборуваше дека резултатите на Еурофарм Пелистер ќе биле во согласност со буџетот. Наслутував ама не бев сигурен дека тоа е изговор за она што ќе се случува. Пораз од Вардар во Струга, и двоен пораз и елиминација од СЕХА лигата. Да секако нема да заборавам да напомнам дека како исклучителен фактор за поразот и овојпат ќе го нотирам врвниот стратег Бабиќ.

Можеби грешам а можеби не. Сезоната е долга и таа ќе го даде одговорот.

29.08.2021 Во поранешната ССР, Белорусија

СЕХА четвртфинале реванш

Мешков 35 Еурофарм Пелистер 31

The post Еурофарм повторно на -4 appeared first on Само Ракомет.