Мечот на неделата, во кој Барселона пристигна по одмазда за расипаната прослава на јубилејот, во одличен тајминг за нас, ден после Пелистер, ден пред Вардар. Е сега елементи кои чинат една ваква пресметка врвна и дерби имаше ама и немаше.

Еве прво од добрите: Два врвни тима во борба за првото место во групата. Гостите дојдени по одмазда. Амбиентот одличен, пољаците се навистина добра публика, верна. Тренерите врвни. Звезди еден куп, повеќе на страната на шпанците. Многу добри акции, индивидуални потези и врвни одбрани. Неизвесност, трилер и драма во последните минути од натпреварот.

Ајде сега лошите. Повеќе технички грешки и изгубени топки, (по којзнае кој пат ЕХФ во графата со нули кај двата тима-катастрофа) од дербито во македонската прва лига викендов. Пасови во аут и лошо фрлени контри како на тренинг. Публика на loop, па безмалку до последните неколку минути, монотоно. Шутеви крај и над гол? Тренер како Ортега загубен во преводот во последните минути, акција за цепелин од мртов агол… имаше уште !

Она што секако е за почит е играта на пољаците, без исклучителни имиња ако ги исклучиме бившите вардарци Караќиќ и Душебајев и голманот Волф, тие беа со ладни глави цел натпревар. Притискаа, гризеа и беа сигурни во себе. И кога не одеше и кога губеа по 4-5 разлика не паничеа и ја играа својата игра. Талант, Браво, не попусто толку често низ годините те колневме.

Од друга страна, ѕвездениот тим помалку во облаци, толку многу несватливи и помалку глупави потези на еден натпревар, непростливо. 52 та минута беше во тек кога Гомез Абељо го постингна последниот гол за Барса за верувале или не до крај да не постигнат ниту еден а да примат 6.

Статистички пак погледнато Барса беше подобра во сите категории, нелогично нели !

Честитки за пољаците, се надевам дека со нив ќе се сретнеме во некоја друга сезона не годинава!

24.11.2021 Полска

ЕХФ лига на Шампиони

Киелце 29 Барселона 27

The post Без добар наслов, кон Киелце Барса appeared first on Само Ракомет.

При рамноправен дуел да го извадиш најдобриот поединец, разигрувач и стрелец за да го одмориш ! Играчот кој има 0 од 4 за шут да го оставиш во игра ! На противничкиот најдобар бек, асистент и стрелец да не играш одбрана, можеби фластер или слично ! При транзиција и брз центар на противникот да не правиш фаул ! Твоите бекови да пробиваат постојано и да влегуваат во фаул без престан ! Со играч повеќе да организираш акција на крило кое е во мртов агол ! Да чекаш до -3 првиот пат и до -7 вториот пат за да повикаш тајмаут ! Да чекаш твојот голман да ја забележи втората интервенција дваесетина минути ! Твојот најдобар пивот да не игра ! Играч кој не е е дојден да игра одбрана да игра одбрана ! Да не правиш фаул во одбрана !

Да играш одбрана 4-1 !? Да играш со три крила во одбрана ! Крило да игра бек ! Крило да шутира од 9 метри !Да имаш крило од 212 сантиметри ! Во контра да фрлиш топка во аут место во празен гол ! Да не правиш фаул во одбрана ! …Кој е овде …Нешто не е во ред !

Видовме слаби игри на Вардар но видовме и блескави моменти. Но говорот на телото а се повеќе и говорот на одредени играчи, Чупиќ и Стоилов на пример укажуваат дека нешто не е во ред со Вардар !

Во надеж дека наскоро ќе дознаеме што се случува со нашиот Шампион, срдечен поздрав

Скромен познавач, но верен навивач,

Цел Живот Една Љубов

25.11.2020 ЕХФ Лига на Шампиони

Киелце 36 Вардар 29

П.С. Експериментите неуспешни, а пациентот ?

The post Експеримент(и) appeared first on Само Ракомет.

Во среда надзорот на градилиштето ќе изврши увид !

Ќе може да видиме од каков материјал е граден овој Вардар.

Тим

После сите настани со промената на сопственоста и “‘покривање” на долговите кон играчите од старото раководство, новиот Вардар е со прилично изменет состав. Впечатлива е желбата на староновиот сопственик за вметнување повеќе домашни македонски ракометари, па во Вардар пристигнаа етаблирани и надежни имиња. Најзвучно секако Талески, играч за кого со години се крева најголема медиумска прашина, лев бек од 200 см, со и официјално најсилен шут, измерен на последното европско првенство, некој од кого пред се, се очекува да биде лидер во репрезентацијата. Највредно, Георгиевски, земајќи впредвид сето негово искуство на клупски, пред се во лигата на шампиони со Металург, и репрезентативен план каде е неизоставен член долги низ години. Тука се и повратниците и исто така репрезентативци, Јагуриновски и Мишевски, десен и лев бек на кои како, засега изгледа повеќе се потпира Брестовац отколку Алушевски. Од македонските играчи во составот се и голманското дуо, спој на искуство знаење и статистика Ристовски и експлозивната надеж двојно помладиот, 19 години и 38 години, Кизиќ. Левото исто така репрезентативно и надежно крило, во длабока сенка на Дибиров, Димитриовски, како и играчите од поширок список, средниот бек Карапалески и пикерот Гашовски. Или како никогаш досега во Вардар 50%, 10 од 20 играчи на широкиот список. Од новините, Вујин во обидот, да се врати неговата кариера како еден од најдобрите можеби десни бекови во светот. Како име и презиме кое треба да донесе многу сигурност и искуство на натпреварите, па и голови и менторство на десната бековска позиција каде се голобрадите Јагуриновски и Векиќ, потег кој стратешки гледано делува навистина многу мудро, доколку Алушевски така и се постави. Ловро Јотиќ, како уште еден во плеадата средни хрватски бекови кои доаѓаат на ракометната сцена, кој треба да даде импулс, брзина, асистенци и голови, Гаџа, негова замена а би требало да ги има безмалку истиве атрибути. На линијата доаѓа и пољакот Валчак, со скромно искуство но да не заборавиме какви беа кога дојдоа Марсениќ и Мораеш. И едно навидум изненадување, Кантегрел луциден и енергичен голман од Франција, едно за да даде конкурентност на домашното дуо друго и да го збогати веќе сериозното вардарово семејство со играч од една од најтрофејните ракометни нации, Франција !

Навидум испразнетите позиции се надежно заменети, Јотиќ за Скубе, Вујин и Јагуриновски за Толедо, Кантегрел за двајцата Гедбан и Кугис, Георгиевси за Шишкарев, па дури и таа на Криштопанс имајќи ги впредвид димензиите на малиот Векиќ.

Игра

Во воведните 4 кола неможевме да извадиме НЗС. Нотирам и една очајна и недопустлива статистика на официјалната страна на Лигата на шампиони. Те корона позитивни, те повреди, два натпревари одложени, СЕХА воопшто не стартуваше и резултатите и играта се прилично шаренолики. Вардар изигра 3 натпревари дома со променлив успех, победа реми и пораз и само еден нагости оној дамнешниот и првиот натпревар на овој Вардар поразот кај Мешков. Дали Вардар ќе игра тврдо и трпеливо како натпреварите со Мешков и Порто или ќе се наттрчува како со Киелце и Флензбург ќе видиме понатаму. Досега постигнуваше 26,8 голови по натпревар а примаше 27, што е прилично израмнето и можеби во рамките на планираното и потребното за остварување пласман во 8 финале. Впечаток е дека немаше многу исклучувања за разлика од премногу изгубените топки, кои можеби и се клучните за губење неколку бодови. Голманите се топло ладно, а како и не би биле кога и во одбраната сеуште не се коцките докрај наместени. Кога пикерите функционираа а голманите беа над просекот Вардар делуваше сигурен, но кога тие небеа на нивото на ефикасност се чини дека и беа фактор на губење на натпреварот.

Играчи

Костурот го сочинуваат Дибиров Стоилов и Чупиќ, 45 постигнати од 107 голови досега. Како фактори се наметнуваат Ристовски, Јотиќ и Вујин а доколку се биде во ред кога ќе го додадем и Дисингер добиваме респектабилна прва ротација.Допрва ќе очекуваме Алушевски да даде димензија место и учинок во ротацијата од Талески, Валчак, Гаџа, Векиќ Георгиевски и можеби Кизиќ и Мишевски. Навидум иднината е светла.

Традиција

Традицијата е на страна на Киелце, за жал овојпат и коефицинтите во обложувалниците се безмилосни кон Вардар па така коефициентот за победа е фантастични 8,75 до 9,05 кај некои обложувалници.

Терен

Ако за Скопје важи дека е еден од најжешките терени тогаш Киелце и неговата Хала Легионов сигурно е во топ 5 те најтешко освојувани тврдини.

Судии

Швајцарската двојка Брунер и Салах

Мотив

Киелце граби цврсто кон првата позиција и би сакал да ги искористи киксовите на Париз и Фленсбург, со тоа и победата е императив а мотив нема да недостасува. Вардар се бара себеси, поразот во Скопје сигурно ќе ги мотивира играчите но дали тоа ќе биде доволно?

Што треба Вардар да направи

1, Да ги лимитира во движење без топка Карачиќ и Душебаев па решение да мора да бараат спорите но секако добри шутери Кулеш, Гебала или Душебаев.

2, Да ја успори играта бидејќи очигледно подобро се снаоѓа во едно поспоро темпо во кое ќе може да го намали бројот на изгубени топки и помалку да ги троши клучните засега играчи

3, Да го зголеми интензитетот на контакт и фаул во одбранат па со тоа и да им олесни на голманите

Нестрпливо очекувајќи ги резултатите од надзорот…

Цел живот Една љубов

Од рубриката “Бице вели…” .Што треба да направи Вардар за да изненади? Ова прашање за жал, признале или не си го поставувавме и во Скопје пред натпреварот. Нотиравме некои забелешки, повеќето ги погодивме. Ние-да, но играчите-не. Ако сега го поставиме истото прашање, еве што би си одговориле.

1. Столе да “влезе” во натпреварот. Во Скопје ми личеше дека беше останат во соблекувална. Го немаше на линија од 6, го немаше на timeout-те. А битен е и таму и таму. Сигурно е мала криза, нешто можеби го замаглило неговиот ум?!?

2. Одличниот старт со одбрана 5-1, можеби треба да почнеме пак со неа, ама и да останеме подолго во таа формација. Секако таа колку толку ја отежнува комуникациската оска меѓу Хрватска и Шпанија. Секако мислам на оската помеѓу некогашната вардарова машинерија, Карачиќ, Душебаев. Кога тие двајца добија простор, со повлекувањето на 6-0, отиде и мечот во лош правец.

3. Ако имаме голман, а се некако го чекам Картенгел да блесне, можеби баш на овој меч, мислам дека можеме да се возиме до egal, до кај 50 мин. После веќе се е можно.

4. Секако, Вујин и Дисингер ако си го одработат своето во напад и ги дадат своите 8-10 гола ќе биде полесно. Тоа ќе отвори простор и за крилата и за пикер. Само ај, ќе видиме што ќе биде на терен.

Поздрав од скромниот ракометен познавач. Бицевски Александар

The post Kielce vs VARDAR appeared first on Само Ракомет.