Безмалку 62 години се изминати од катастрофалниот земјотрес што го погоди Скопје.

На тој кобен 26 јули 1963 година, рано в мугри, страшна природна катастрофа го срамни до темел Скопје. Преку 1000 жртви и преку 3000 повредени, 75% од градот беше урнат.

Деновиве Скопје повторно се тресе. За среќа овојпат ракометно. На прес конференцијата одржана во Јане Сандански, сопственикот Михајловски го претстави новиот тренер, една од современите легенди, херојот на Вардар од 2017 та, Иван Чупиќ.

Со долг вовед, искрен и исцрпен, Михалјовски ги запозна присутните претставници од медиумите како и неколкумина страстни навивачи на Вардар, што се се случувало во деновите по натпреварот со Пелистер во Скопје.

Во градот секако долго време лебдеше сенката на сомнежот околу квалитетите и потенцијалите на Милано, но тој пак со доста стабилност и без порази се одржуваше над нивото на водата. Победата во Битола и титулата во Купот просто водеа од преодна кон висока оцена на неговиот ангажман.

НО, во Македонија ништо не е онака како што изгледа. Па така Милано неспакуван мораше да си оди од кормилото.

Паралелата ја повлекувам повторно, како што Скопје како Феникс со огромна помош од целиот свет се крена од пепелот и урнатините, така сега и Вардар со една палета на интернационалци ќе се обиде да го врати својот сјај.

Јапонци, Срби, Французи, Хрвати, Пољаци, Словенци, и се разбира Македонци ќе бидат дел од обединетите бои на Вардар, за следната сезона во која целите овојпат јасно и гласно дефинирани. Двојна круна во Македонија и пласман меѓу 8 најдобри во Евро Лигата. Храбро…

За тоа дека потресот не носи само воскреснување, туку и болка, останува празнината околу информациите за идниот статус на оргиналната икона Вардарова, Стоилов. Иако огромен дел од Вардаровата навивачка армија го очекуваше него како логично решение сепак последен е зборот на Михалјовски. За улогата на Столе ти си наша икона, и Владо Недановски, претседателот рече дека ќе имаме информација во наредниот период.

Да резимираме, многу свежа крв во Јане, пардон, од септември во своето гнездо, Расадник, што исто така е добра вест, конечно Вардар нема да биде потстанар, промени што ни ветуваат уште една супер неизвесна ракометна сезона.

The post СКОПЈЕ повторно се тресе! appeared first on Само Ракомет.

Одговорот на ова прашање, го барам низ годиниве наназад. Сведочев на историски моменти, сонувам за нови. Но, постојано со еден прашалник, може ли ракометот да прерасне во сериозен играч во светот на забавата.

Да,

кратко и јасно, иако недостасуваат еден куп фактори. На пример, сабота попладне, дерби во Кавадарци, гостува двократен европски шампион. Од Скопје до Кавадарци стигнуваме за отприлика еден час и 15 минути, трошиме не повеќе од 1200-1400 ден за патни трошоци, гориво и патарини. На пример да сме 4 ракометни фанатици, нешто повеќе од 300 од човек. Влезницата е 150 денари на пример. Нека биде и 300, стигаме до 600 ден.

Е сега што во Кавадарци, а зборувам за сите сали и градови ми недостасува!

Прво, пред салата сме подготвени да потрошиме уште некој денар. Две пива и порција колбаси, може и ќебапи или некој локален специјалитет, нека бидат 400 денари и да ја заокружиме илјадарката. Симпатична фан зона со навивачка музика, може и некој гол со младинските сили па и некој предизвик, шутни пенал и слично. Нумерирани седишта за на мир да си го допијам пивото, чисти тоалети, и ниту една запалена цигара по ходниците. Не барам многу, нели?

Атмосферата во Јасмин Одлична, Битола добива сериозна конкуренција во квалитетот и знаењето на ракометната публика. Тие безмалку цел натпревар учествуваа, активно. Тимот има одлична интеракција со нив и пред, но и по натпреварот. Однос злато вреден.

На теренот се судрија две концепциски слични екипи (неколку македонски играчи засилени со легија балканци и по некој егзотичен примерок), но со различен бекграунд (Градскиот РК со сериозна и цврста поддршка, Скопскиот во потрага по својот идентитет). Судирот беше и на клупата и се чини дека и таму беше одлучен победникот.

Вардар иако прилично десеткуван долго беше во натпреварот, иако се мачеше од првата до последната минута. Тиквеш, одлично подготвен, силно мотивиран, прилично дисциплиниран, знаеше што сака и што може и на крилјата на одличната атмосфера дојде до една исклучително важна победа. Победа која може во голема мера да го детерминира понатамошниот развој на клубот. Впрочем и поразот на Вардар очекувам силно да влијае на неговата пак судбина.

Натпревар од некои стари времиња, машки, цврст но исклучително витешки. Многу пот, малку и крв, победа на домаќините и ерупција на трибините.

Калориите потрошени па по препорака на младите полициски сили пред салата се упативме кон легендарниот Мерлин, да заокружиме до 20 евра буџет. Таму запознаваме уште еден локален херој, девојката која го води дуќанот и во исто време командува со персоналот од 6-7 луѓе и послужува дваесетина симултано, секоја чест на одлучноста и ладнокрвноста.

Колклу го сакам овој ракометен туризам беа зборовите на Ѓоргонот кога тргнавне за дома!

За крај го издвојувам Раде Стојановиќ како добитник на денот. Негонтинчанец со потенцијал да стане Кавадаречка легенда, но и со потенцијал за влез во една малку посериозна тема:

Game of Throne …

Во саботата во Кавадарци, исто онака ко што се присетуваше Раде во нашиот поткаст, можеби еден од главните фаворити, ја изгуби титулата!

ГРК ТИКВЕШ 20:20 РК ВАРДАР 1961

The post Може ли ракометен натпревар да биде Настан? appeared first on Само Ракомет.

Саботниот натпревар од Супер ракометната лига покажа неколку интересни факти.

Вардар за првпат годинава покажа респект кон еден свој противник и заигра од првиот момент со полна пареа. Можеби котелот високиот притисок не го одржуваше континуирано до самиот крај, но и ова доволно беше.

Наративите од двете страни различни, но коректни! Шампионот го најави гостувањето тивко но повика публика. Алкалоид пак, погласен, дерби, најважен натпревар и борба за првото место, беа слоганите. Легитимно!

Следниот исклучително интересен факт е салата. По долгите години запуштување и благо руинирање од минатиот корисник, сум зборувал за состојбата на тоалетите и соблекувалните и порано, конечно Скопје добива уште еден респектабилен ракометен дом. Алкалоид, МултиЕсенс, Металург РА, ЖРК Металург и најверојатно Аеродром ќе можат да ги уживаат придобивките од оваа сериозна инвестиција. Она поинтересното е дека во Автокоманда повторно едни Плаво-Бели ќе ги матат сметките на Црвено-Црните.

Преполната сала е третиот момент. Иако Алаклоид е нов тим, тој по неколку основи полека почнува да привлекува публика. Широката база на млади играчи, подмладоците, се едната компонента, но и можноста да се види сериозен натпревар во Скопје сигурно многу влијае. Се е во корист на македонскиот ракомет несомнено.

Кадарот од насловната исто така е неспорен факт, огромен број на репрезентативци во дерби на првенството. Така беше и во годините на најголемиот успех на Македонскат репрезентација.

Во наративот по натпреварот повторно разлики, домаќините благо разочарани од неуспехот, гостите погласни, Сигурна победа, ечеше песната, дојдовме, видовме победивме, моќно, концентрирано, прецизно и победнички. Сосема е јасно дека влогот овојпат не бил така мал.

Во играта многу нешта да се видат, но различни ракурси различни забелешки. Томовски фантастичен во првото полувреме или младите фармацевти со преголем респект лошо шутираа, на пример. Недостасуваше или неможеше да се реализира брзата игра и транзиција на плавите, вардарците снажно во одбрана и сигурно во нападот. Натпреварот решен уште во првото полувреме и уште еден факт, второто заврши нерешено.

Што како заклучок може да извлечеме?

На Алаклоид му недостасува искуство, кулоарите шепотат за неколку многу сериозни засилувања. Ако вратата кон Европа е подотворена, а е, можноста и за две три странски имиња се поактуелна. Лазаров, за прв пат смирен, свесен за разликите во квалитетот очигледно задоволен од крвната слика на своите, да доколку Марковски не настрадаше така рано можеби кожата уште поскапо ќе ја продадеа.

На Вардар му недостигаат сериозни противници, и тоа е факт. Но за Вардар кулоарите и не се така нежни, па можноста за превирања и неизвесност сеуште стои.

Посетата на Видерер на Македонија и разговорите со челниците на клубовите не ја оттргна анатемата фрлена кон Вардар. Зошто е тоа така може само да наслутуваме, но не е тајна дека над Јане повторно има црни облаци!

Мојот пресек би звучел вака, Над Јане темни облаци, под Пелистер магла, Автокоманда би можела повторно да биде дом на еден шампион !

The post Вардар покажа респект кон Алкалоид appeared first on Само Ракомет.