Еден од најтрофејните македонски клубови, расадник на таленти и репрезентативци, ги минува најтешките денови. Сценарија има неколку, што ќе се случува со клубот од Автокоманда раководството во моментов неможе точно да каже.

Го прашавме Иван и за впечатоците од европското првенство, за шпанскиот и скандинавскиот систем, но добивме интересен одговор и на прашањето дали има француски систем ?

The post Металург според кумановската, Дошја нож… С1 Е6 appeared first on Само Ракомет.

Аууу, натпревар достоен за, еве на пример европско, или полуфинале на фајнал4!

Неколку денови по кулминацијата на ситуацијата во Металург, и по уште едно илјадито дадено кон нив ветување. Управата без реален план и без достојна искреност кон играчите и тренерите, дозволи тие очајнички да се обидуваат да го привлечат вниманието со најнепопуларната мерка Штрајк !

Е вечерва вниманието го привлекоа со својот настап !

Металург нагости кај во ситуацијава апсолутниот фаворит Тинекс Пролет. Неколкуте денови штрајк добро им дојдоа на Преостанатите да залечат некоја рана.

Во натпревар на еден куп ветерани, Пецаковски, Пејовиќ, Андоновски од една страна и Дупјачанец, Марковски, Хорват, од друга страна. Но и натпревар со еден куп потенцијални репрезентативци и млади надежи, Аларов, Додевски кој особен впечаток остави, Џонов кај Пролет и Лазаревски, Митиќ и Петковски кај Металург.

Домаќините свесни за количината на играчи во Металург како и за нивната психолошка слика, беа трпеливи играа полека и очекуваа гостите во еден момент да се распаднат. Но не само што тоа не се случи туку тие по воведните минути ја преземаа контролата и не ја испуштија до крајот.

Што може да се издвои како куриозитет, а имаше многу, на овој натпревар: Двајца пикери прв и втор во контра Петров и Лазаревски, Дупјачанец како октопод, вишок во одбраната на Металург, како ли само трчаа вечерва, Велко ни во своите ракометни кошмари не се гледал на централен бек во напад уште помалку на 6 ка во одбрана. Хорват постигна 12 голови. Го откривме Виктор Додевски.

Ако во времето го фативме Червар во изјава како Македонија му била експеримент, овојпат на Марковски на клупата му требаа и експерименти и куриозитети и иновативност и чуда. Па всушност имаше од се !

Имаше нова позиција, која би звучела некако вака ЛЕВ ПИКЕР. Во секој момент очекував во игра да настапи не со два ами со ТРИ пикери.

Маката чуда прави.

Голем поклон за Марковски и Јанакиевски за подготовката на тимот, овојпат Бошковски изненаден!

И еве за крај, доколку Минчо кренал раце од тимот или лошо сите не информира, предлагам РФМ со закон да го заштити овој клуб, овие играчи, овие тренери !

27.11.2021 Во населба Пролет

Македонска Супер Лига

Тинекс Пролет 29 Металург 31

The post Подвигот на “Преостанатите” ! appeared first on Само Ракомет.

Победа над Радовиш со сета почит кон Радовишани никогаш не би била вест. Сепак организациските нивоа, амбициите, ростерот па и целите биле различни. Но овој пат и тоа со двоцифрена разлика, победата на Металург над Радовиш е вест.

Во составот на “Останатите” три голмани, три пикери, четири крила, два бека и еден дефанзивец. Марковски и Јанакиевски со нив вршат ѓаволска работа. Иако практично без ротација, трчаат скоро сите 60 минути. Голманите вечерва одлични. А тие добро бранат често, кога одбраната е цврста. И беше цврста.

Значи во тимот за кој претседателката потврди дека е во финансиска криза и во кој листата на играчи како во “Squid Game” се намалува од недела во недела, сеуште има мотив и победничка атмосфера.

Митиќ и Лазаревски, Петковски и малиот уште името не му го помнам Субашевски, Брестовац и Бардаковски, водени од ракометната величина Хорват, подмогнати од Дупјачанец, Каковски, Петров, Марковски и двјацата странци турчинот и португалецот се “Останатите”. Тие на чело со тренерите Марковски и Јанакиевски ќе треба да издражат цела сезона и да го задржат духот на некогаш славниот Металург.

Блажевска најави стабилизација. Вујовиќ кажа дека на македонскиот ракомет му треба силен Металург. Публиката во Автокоманда треба да се врати, кога е најтешко да ги подржи “Останатите”.

За доброто на клубот многу важно ќе биде доколку успеат да донесат уште неколку млади играчи. Едно за да им помогнат на “Останатите”, а второ да непопусто ја пропуштиме шансата да учат од ракометар како Хорват.

Иван Марковски најави дека сезоната е долга и дека плејофот не е така далеку. Стискаме палци за “Останатите” за оваа спортската приказна да има среќен крај.

16.10.2021 Автокоманда, Македонија

Супер лига

Металург 31 Радовиш 19

The post Спортскиот подвиг на “Останатите” appeared first on Само Ракомет.

Е тие што дојдоа не погрешија. Видовме 68 голови, многу транзиција, одлични шутеви, по некој талент, малку нервоза, голмански интервенции и интензитет во еден мал дел. Недостасуваа искрите од минатото, неизвесноста и борбата.

Дека Металург не е куќа без темели, видовме безмалку во целиот натпревар. Дополнително ослабени со неиграњето на повредените а најискусни и најкорисни, Хорват и Марковски. Тренерот Марковски добро ги подготвил, и мотивирал, очигледно и добро физички подготвените малку на број преостанати металурзи. Можеби и земале понекоја заостаната плата, ќе дознаеме секако во деновите што следат. Па така тие брзо решаваа ситуации, Мане се отвори и покажа всушност зошто бил доведен. Играа растоварено и лесно, па во првото полувреме беа во егал постојано, за на крај по една ситуација во која судиите го активираа Вујо, и да заминат со гол предност на крајот.

Вардар безмалку комплетен. Релаксиран но свесен дека несмее да се опушти докрај. Играа безмалку сите кои ќе треба да го носат товарот веќе в среда против Монпеље. Вујовиќ им даде шанса на Џукиќ, Крстевски и Атанасовски, малку и на Гогов. Во второто полувреме ја стегнаа одбраната, се активира веднаш и Борко, па победникот не беше под знак прашалник.

Честитки за Металург кој изигра храбро а можеби изигра и најдобро сезонава. Беше вистински спаринг партнер за Вардар. Добрите односи помеѓу овие два ривалски клубови се за поздравување.

09.10.2021 СЦ Јане Сандански

Македонска Супер Лига

Вардар 38 Металург 30

The post Вардар и Металург ! appeared first on Само Ракомет.

Во сенка на маратонот во Скопје пристигнаа ракометарите на Струга. Со потајна надеж дека на ранетиот Металург може да му ги украдат бодовите.

Но не беше така. Дека Металург имал добар план и визија, дека стручниот штаб знаел што работи видовме по примерот на Њокасите. Тие во првите кола доминираа во лигата на шампиони и го лансираа Вардар од кандидат за најдобри 16, во нешто многу посериозно. Дека Металург, можел, имал играчки потенцијал и дека после подолг период конечно и тренерскиот тандем е вистинскиот, видовме на крајот на минатата сезоната.

И покрај неземените плати, и покрај апсолутно скратениот ростер, играат практично со два и пол бекови, без резервен голман, Металург не дозволи да падне на колена. Одиграа феноменално во одбраната, на семафорот беше 26 та минута а Металург прими само 6 голови. Проблемите беа во нападот, каде одлично расположениот струшки голман не дозволуваше Металург да направи посериозна разлика. Би сакал да го видам Металург со решени логистички задачи, играчи кои не размислуваат за 1 ви, и со нетрпение да го чекам дуелот со Вардар што предстои.

Од цела оваа напната ситуација во која во секој момент се очекува уште некој играч да го напушти бродот, вчера позитивата беше малиот Александар Петковски. Момче со огромен потенцијал на деснокрилната позиција. Играч кој полека погледнува кон подотворената врата во македонската сениорска репрезентација.

Во Автокоманда не цветаат розите, па затоа овој мој наклон е за сите останатаи борци, Злаја, Велко, Иве, Злате, Мечка, Митиќ, Дупјачанец…

03.10.2021 Скопје

Супер лига Македонија

Металург 27 Струга 22

The post На Металург му треба малку внимание ! appeared first on Само Ракомет.

Вечерва немаше дури ни редарска служба, официјалниот сајт е згаснат, а за сликата да биде комплетно лоша се погрижија и високо мотивираните и одлично подготвени битолчани. Тие беа свесни дека Металург е на колена, со нешто налик на ростер од деветмина играчи.

Во описот на ситуацијата за Металург сакав да додадам дека играат и со маици, но навистина беше изненадувачки фактот дека и гостите настапија во бели маици. Па така во суперлигашкиот дуел на двете екипи во маици победија белите а изгубија сините маици.

Битолчани беа дојдени по скаплот на Металург, нешто незамисливо пред почетокот на сезоната. Металург пак кој конечно имаше нешто налик на ростер, мешавина од двајца супер ветерани неколку млади сили и тројца непроверени странци, сакаше конечно победа. Хорват повторно покажа врвна класа и тој е несомнено срцето и душата на овој тим. Централниот бек од братска Турција единствено покажа партија која ветува. Скопјаните нападна преку пикер, каде повратникот Петров очигледно е добро засилување, но проблемите се редеа во одбраната пред се. На голот искусниот Дупјачанец одвреме навреме даваше импулс, но кога линиите во одбраната тешко се поврзуваа, тој често беше на отстрел.

Од друга страна навистина беше задоволство да се види една енергетски високо поставена, млада екипа. Во неа плејада момци кои атакуваат на државниот дрес. На крило Кузмановски, лево Ѓорговски и Атанасијевиќ, на центар рестартираниот Диме Димитриовски кој ја носеше екипата до победа. Солидна партија и за екс младинскиот репрезентативец на пивот а некогашен металург Арсениевски. Од момците кои ѕиркаат на вратата на Лазаров секако и одличниот потенцијал од Автокоманда Петковски на крило.

Натпреварот долго беше во егал, екипите играа брз и допадлив ракомет, се менуваа водствата, но во последните мигови сепак Димитриовски и со неколку интервенции ветеранот Трајковски ја одведоа својата екипа до сигурна победа.

За Металург следат тешки моменти, а за Битола и за македонската репрезентација со вакви потенцијали би требало иднината да е светла.

19.09.2021 Автокоманда

Супер Лига

Металург 28 Еурофарм Пелистер 2, 29

The post Металург во длабокото appeared first on Само Ракомет.

Новиот кондициски тренер во стручниот тим на Иван Марковски, откако го презема кормилото на скопски Металург, човек со огромно знаење и искуство.

Покрај новата улога во РК Металург, го најавуваме и како наш аналитичар и критичар.

Наскоро во САМОРАКОМЕТ Златко Јанакиевски.

The post Златко Јанакиевски appeared first on Само Ракомет.

Паметам дека Барса неможеше да не победи во Скопје… Адемар е на 8 та позиција во моментов. Паметам и дека за 5 минути билетите ги снемуваше. Паметам дека играта на Металург ја анализираа сите ја фалеа ја кудеа … паметам дека дерби беше каде и да играше … Долго време сакам да му поставам прашање на сопственикот каков е долгорочниот план и дали го има, какво е влијанието на долгогодишната анемија врз играчите врз младинците, врз кадетите, што разговара со тренерите што бара од нив а што им дава … да клубот е приватен но гордоста е наша скопска македонска … ух многу ми е тешко !

Ветувам дека ќе сторам напор да обезбедам одговор на овие прашања !

Пред крај еве извадоци од статистиката од натпреварот со Адемар ! Шутеви кон гол Адемар 44 Металург 43 Одбрани на голмани Адемар 11 Металург 3 Голманите пред стрелачки вод, одбраната повлечена негде од првата минута на првото полувреме.

И како за крај секое зло за добро, солидна минутажа и можност за стекнувања искуство добија Серафимов, Лазаревски, Младеновиќ, како потенцијални репрезентативци … можеби највеќе Додиќ, штета што малиот сеуште не го повикавме да игра за Македонија.

Со љубов кон спортот, ракометот, за Македонија

17.11.2020 EХФ Европска лига

Адемар Леон 41 Металург 32

The post Паметам appeared first on Само Ракомет.