Ние селектиравме 4 имиња од македонската ракометна сцена кои оставија белег. Ги претставувам без некој посебен реодслед.

Прво голманот на Порто, и на репрезентацијата на Македониија, Никола Митревски Никуч.

Никола е роден на 3 Октомври 1985 година во Битола. Кариерата ја започнува во битолски Пелистер и од таа 2005 та до ден денес во секоја своја сезона за секој свој клуб бил пријавен или настапувал во европските купови! Интересен податок.
Никучот го издвоивме од проста причина што тој едноставно направи разлика и блескаше на голот на Порто и во домашното првенство и во Лигата на Шампионите. Никола долго време беше дел од македонската ракометна репрезентација но некако беше во втор план. Неговата посветеност, трпеливост и скромност беа клучни за достигнувањата кои сега тој ги бележи. Со својот стил, енергијата и страста треба да е пример за многу млади голмани.
Никола би го издвоил и како пример за младите нестрпливи генерации, кои очекуваат успех веднаш и сега. Играчи кои не сакаат да седат на клупа и да бидат резерви, играчи пред кои суетата создава големи пречки. Тој е тивок и посветен на својата работа, трпелив и верувам дека и по крајот на својата голманска кариера доколку се посвети на тренерската работа ќе биде злато вреден!

Кире, Кирил Лазаров, ракометна величина. Десен бек во Нант, но и во Македонија, селектор на ракометната репрезентација на Македонија, роден на 10 мај 1980 година во Свети Николе.

Македонскиот Том Брејди, ја издаде својата автобиографија. Браво. Сподели многу информации за себе, но и остави траен запис, сведоштво и учебник за следните генерации.
Препорачувам да биде задолжитена лектира уште во првата година на Спортските Академии и Фискултурни училишта. Кире не само со своите игри но и со своето однесување го заслужува местото на нашата листа.

Е сега третиот и четвртиот ми доаѓаат некако како Бетмен и Робин. Со огромна буџетска разлика се разбира.

Иван Марковски, уште еден битолчанец, но на позиција крило е роден 3 септември 1976 година. Неговата богата играчка и репрезентативна кариера не траеше така долго. Но тој набрзо потоа влезе во тренерските води.

Златко Јанакиевски, Злате од кеј, е име кое секој малку посериозен спортист во Македонија го знае, бил кај него на подготовки, и го памти по многу пот. Роден на 18 февруари 1958 година во Скопје и работел со безброј клубови и репрезентации како кондициски тренер.

Е сега зошто ова дуо се најде на листата?
Некаде во март 2021 година тие двајца пристигнаа на бродот од автокоманда кој тонеше побрзо и од Титаник. Тој брод ниту капетан имаше ниту кормилар, па црната судбина беше неизбежна. Оставени на милост и немилост од сопственикот и од спонзорите, групата играчи, тн управа и овие двајца суперјунаци имаа пред себе невозможна мисија. Да го сочуваат угледот но и да го сочуваат тимот. Јавна тајна беше дека во Металург пари нема, па беше потребна магија за да се задржат и мотивираат играчите.
Така започна една од можеби најтажните но и најхеројски приказни во македонскиот ракомет. Во полусезоната успеаа да го кренат клубот на нозе и да го освојат високото 4 место кое им донесе пласман во Европа. Следната сезона ја започна Металург сензационално носејќи атрактивни засилувања, но приота губејќи еден куп играчи кои веќе несакаа да бидат дел од клубот. Па така откако дел од засилувањата не ни заиграа и глувците почнаа да го напуштаат бродот, нашиве суперхерои созададоа вистинска збрка во ракометната јавност.
Тие имаа екипа на располагање најчесто со 3 пикери, 3 голмани, две три деца, пар збунети странци и двајца ветерани. Па така за првпат во историјата на ракометот видовме комбинации во кои екипата напаѓа со 3, со зборови ТРИ, пикери, без бекови или со еден, комбинации досега ниту видени ниту чуени.
За сензацијата да биде уште поголема, тие безмалку редовно беа во позиција на штрајк па и не тренираа редовно.
Она што имресионира кај овие двајца наши супер јунаци е пронаоѓањето на решенија кога нив ги нема, мотивирањето на екипата која неможе да се мотивира и одржувањето на перфектната физичка подготовка во услови кога играат без измени, а на натпревар гледате двајца нивни пикери први во контра. На семафорот е 53 та минута во тек.

Мојот поклон !

Скопје, Македонија, 28.12.2021

The post Никуч, Кире и Иве и Злате ! appeared first on Само Ракомет.

Аууу, натпревар достоен за, еве на пример европско, или полуфинале на фајнал4!

Неколку денови по кулминацијата на ситуацијата во Металург, и по уште едно илјадито дадено кон нив ветување. Управата без реален план и без достојна искреност кон играчите и тренерите, дозволи тие очајнички да се обидуваат да го привлечат вниманието со најнепопуларната мерка Штрајк !

Е вечерва вниманието го привлекоа со својот настап !

Металург нагости кај во ситуацијава апсолутниот фаворит Тинекс Пролет. Неколкуте денови штрајк добро им дојдоа на Преостанатите да залечат некоја рана.

Во натпревар на еден куп ветерани, Пецаковски, Пејовиќ, Андоновски од една страна и Дупјачанец, Марковски, Хорват, од друга страна. Но и натпревар со еден куп потенцијални репрезентативци и млади надежи, Аларов, Додевски кој особен впечаток остави, Џонов кај Пролет и Лазаревски, Митиќ и Петковски кај Металург.

Домаќините свесни за количината на играчи во Металург како и за нивната психолошка слика, беа трпеливи играа полека и очекуваа гостите во еден момент да се распаднат. Но не само што тоа не се случи туку тие по воведните минути ја преземаа контролата и не ја испуштија до крајот.

Што може да се издвои како куриозитет, а имаше многу, на овој натпревар: Двајца пикери прв и втор во контра Петров и Лазаревски, Дупјачанец како октопод, вишок во одбраната на Металург, како ли само трчаа вечерва, Велко ни во своите ракометни кошмари не се гледал на централен бек во напад уште помалку на 6 ка во одбрана. Хорват постигна 12 голови. Го откривме Виктор Додевски.

Ако во времето го фативме Червар во изјава како Македонија му била експеримент, овојпат на Марковски на клупата му требаа и експерименти и куриозитети и иновативност и чуда. Па всушност имаше од се !

Имаше нова позиција, која би звучела некако вака ЛЕВ ПИКЕР. Во секој момент очекував во игра да настапи не со два ами со ТРИ пикери.

Маката чуда прави.

Голем поклон за Марковски и Јанакиевски за подготовката на тимот, овојпат Бошковски изненаден!

И еве за крај, доколку Минчо кренал раце од тимот или лошо сите не информира, предлагам РФМ со закон да го заштити овој клуб, овие играчи, овие тренери !

27.11.2021 Во населба Пролет

Македонска Супер Лига

Тинекс Пролет 29 Металург 31

The post Подвигот на “Преостанатите” ! appeared first on Само Ракомет.

Победа над Радовиш со сета почит кон Радовишани никогаш не би била вест. Сепак организациските нивоа, амбициите, ростерот па и целите биле различни. Но овој пат и тоа со двоцифрена разлика, победата на Металург над Радовиш е вест.

Во составот на “Останатите” три голмани, три пикери, четири крила, два бека и еден дефанзивец. Марковски и Јанакиевски со нив вршат ѓаволска работа. Иако практично без ротација, трчаат скоро сите 60 минути. Голманите вечерва одлични. А тие добро бранат често, кога одбраната е цврста. И беше цврста.

Значи во тимот за кој претседателката потврди дека е во финансиска криза и во кој листата на играчи како во “Squid Game” се намалува од недела во недела, сеуште има мотив и победничка атмосфера.

Митиќ и Лазаревски, Петковски и малиот уште името не му го помнам Субашевски, Брестовац и Бардаковски, водени од ракометната величина Хорват, подмогнати од Дупјачанец, Каковски, Петров, Марковски и двјацата странци турчинот и португалецот се “Останатите”. Тие на чело со тренерите Марковски и Јанакиевски ќе треба да издражат цела сезона и да го задржат духот на некогаш славниот Металург.

Блажевска најави стабилизација. Вујовиќ кажа дека на македонскиот ракомет му треба силен Металург. Публиката во Автокоманда треба да се врати, кога е најтешко да ги подржи “Останатите”.

За доброто на клубот многу важно ќе биде доколку успеат да донесат уште неколку млади играчи. Едно за да им помогнат на “Останатите”, а второ да непопусто ја пропуштиме шансата да учат од ракометар како Хорват.

Иван Марковски најави дека сезоната е долга и дека плејофот не е така далеку. Стискаме палци за “Останатите” за оваа спортската приказна да има среќен крај.

16.10.2021 Автокоманда, Македонија

Супер лига

Металург 31 Радовиш 19

The post Спортскиот подвиг на “Останатите” appeared first on Само Ракомет.

СР Често разговарате со играчите вон тренингот.

Иван Марковски Работата на тренерот не е само да го одработиш тренингот во тие саат и половина или два, туку и да комуницирате со играчите и да им бидете на располагање во секое време. Разговарам секогаш пред, за време и после тренингот. Секогаш кога играчот има потреба од разговор, совет или било што, стојам на нивно располагање, мислам дека така најдобро ќе го запознаете и каратктерот на играчот и неговата индивидуа. 

СР На какви недостатоци наидовте кај играчите, посебно помладите, во Металург ?

Иван Марковски Основните или базичните елементи од ракометната игра ( фаќање, додавање на топката, основен став во одбрана итн). Во развојот на еден млад играч е многу битен тој период кога им ги всадуваме основите на ракометната игра. За жал младите доаѓаат во првите екипи со тој недостаток и тешко ги поправаат недостатоците. Сериозно треба да пристапиме кон тој проблем не само кај нас, туку и во сите младински или помали категории, само така тие ќе бидат спремни и ќе одговорат на предизвиците во првата екипа. 

СР Како бирате играчи, и за во тимот и за постава на натпревар?

Иван Марковски Имам свој критериум за комплетен профил на играч, кај мене играат и ќе играат најспремните и тие кои ќе го почитуваат мојот систем на игра. Моменталната форма и перформансот ќе бидат приоритет за изборот на играчи на еден натпревар. 

СР Кои особини треба да ги има еден модерен ракометар?

Иван Марковски Карактерно добра личност, работник, професионален кон работата која ја работи и позитивен во секоја смисла на зборот.

СР Колку во изборот е клучна статистиката на играчите?

Иван Марковски За мене статистиката се бројки кои можат да ви помогнат да ја видите моменталната форма на вашата екипа или играч. Да го дијагностицирате проблемот или прогресот во одбрана и напад. Денес во модерниот спорт е битен елемент од работата на тренерите. Јас ја користам во мојата работа и сметам дека е корисен сегмент.

СР Португалски стручнак Viktor Frade таткото на современата методологија на спортски тренинзи вели тренерот мора да биде лидер на тимот, да може да ги убеди играчите да ја следат неговата визија.

Иван Марковски Способноста на тренерот се гледа во тоа колку е способен да ги убеди и увери своите играчи да го следат во исполнувањето на својата визија, кога тоа ке го направиме сметам дека е успех … 

СР Севкупно оценка за Металург за изминатава сезона

Иван Марковски Генерално услешна сезона. Се исполни примарната цел и излез во Европа, покрај сите турбуленции кои го зафатија клубот сите на некој начин си го дадоа придонесот за крајниот резултат. Јас и Злате посебно сме горди на екипата од моментот кога дојдовме бидејќи најдовме начин да ја им ја вратиме самодовербата и ги вратиме во еден систем на нормален тренажен процес, а тоа ни резултираше со местото кое го обезбедивме во Европа.

СР Вашата оцена за лигата, Вардар, Пелистер,

Иван Марковски Изедначена и интерсна во секој случај. Вардар и Пелистер беа чекор понапред од другите во однос на квалитетот на играчите и буџетот со кој располагаа, но се покажа дека и не заостануваме многу другите екипи што даде и доплонителен мотив за напредок и проближување до најдобрите.

СР Соработката со репрезентацијата, со селекторот, Металург е расадник на репрезентативци.

Иван Марковски Со новиот селектор и стручниот штаб имаме добра коорелација, разговараме и често разменуваме мислења за играчите кои имаат репрезентативен статус. Нормална комуникација која треба да имаат сите тренери.

СР Што би порачале за крај за младите ракометари и ракометарки?

Иван Марковски Да не одстапуваат од својата амбиција и да си постават јасни цели во иднина, само со работа и верба во тоа што го работат можат да постигнат врвни резултати.

The post Успех е кога играчите те следат ! appeared first on Само Ракомет.

СР (Само Ракомет) Како Иван стигна во Металург?

Иван Марковски Кога преседателот на клубот ( Зорица Блажевска ) ме контактираше знаев дека понудата за тренер на Металург е тука на маса што се вели, сакав да разговараме да ги слушнам амбициите на клубот, нејзните и очекувањата, во една ситуација каква што беше Металург во тој момент. Од првиот момент ја осетив позитивната енергија и заедничката амбиција и рековме дека заедно ке го враќаме Металург каде и релано му е местото, во врвот на Македонскиот ракомет.

СР Ситуацијата финансиска па и играчка воопшто не беше сјајна, Металург отпушти сезонава ако не грешам 4 тренери, Кастратовиќ па еден србин, привремени решенија беа Димитриоски и Глигоров, се чини столчето пожешко и од она на репрезентацијата.

Иван Марковски Клубот имаше една турбулентна сезона, ја започнаа со еден а ја завршија со сосема друг играчки кадар, сигурно дека моментот кога дојдов не беше баш најидеален. Но во ниеден момент не се сомневав, прво во себе и визијата која ја имав, ниту пак предизвикот со кој се соочив, едноставно нешто во главата ми велеше дека и овај играчки потенцијал кој остана Металург во тој момент не е толку слаб колку што беше излезен од еден систем на работа. 

СР Еден од условите за соработка со Металург беше и ангажирањето кондициски тренер Златко Јанакиевски, ќе има ли Металург подолга стручна клупа?

Иван Марковски Кога ја добив понудата од Металург следнито разговор беше со Злате. Едноставно неизмерно му верувам на мајсторот. Ми беше тренер уште во играчките денови. Да, беше еден од условите да ја прифатам работата и денес секој сериозен клуб а Металург е сигурно тоа, мора да има тренер кој ке се грижи за физичката подготовка на играчите. Не е исклучено да го зголемиме стручниот кадар во екипата но во овој момент имаме други приоритети.

СР Како треба да изгледа ивановиот Металург?

Иван Марковски Металург ќе игра брз, модерен и атрактивен ракомет. Во мојата визија, или како јас сакам да изгледаме во овој краток период покажавме како ќе наликуваме во иднина. Сериозна екипа мора да има повеќе од една одбрана , квалитетна и брза транзиција ( лесни голови ) и разноврсност во нападот. Ракометот е колективна игра која има свои принципи, а принципите мора да се почитуваат. Ќе воспоставиме систем во кој ќе играат само тие што ќе го почитуваат системот, уверен сум во тоа.

СР Ги гледавте натпреварите на Металург пред да дојдете, видовте ли потенцијал?

Иван Марковски Ги пратев речиси сите натпревари на Металург, посебно во Европската лига. Кога седнав на клупата како прв тренер ги изгледав последните натпревари од домашното првенство, посебно со играчкиот кадар што располагав. И предходно реков дека еден од условоите да ја прифатам работата беше и мојата проценка дека екипата има потенцијал за повеке од тогашната позиција и форма во која беше екипта.

СР Како спиеше Иван, после првиот натпревар ако не се лажам загубивте?

Иван Марковски Мојот прв натпревар беше против Еурофарм Пелистер 2 само неколку дена по назначувањето и не изгубивме туку тргнавме со победа и искрен да бидам немав баш некој сон, и то беше нормално. Доаѓате во нова екипа, треба да ја насочите екипата во еден друг ситем, да победувате и да ги уверите играчите дека само со работа се надминуваат проблемите. Дека само така играчите ќе напредуваат.

СР Дали сте задоволни од досега покажаното, јавноста се чини дека примети големи промени во тимот?

Иван Марковски Морам да го изразам моето задоволство од постигнатото во овој краток период. Заедно со Злате си поставивме една јасна цел, да извадиме максимум од секој играч со кој располагаме, а квалитетната работа мора да даде резултат. За наша среќа процесот на прилагодување траше кратко и екипата влезе во системот, тие се сите квалитетни играчи и професионалци и брзо го прифатија мојот начин на работа иако сметам дека можевме уште многу повеќе, лимитот на оваа екипа не е достигнат.

СР Кои се целите на Металург за следната година?

Иван Марковски Металург е голем македонски ракометен бренд и се освен атакување на првите три места во домашното превенство и влез во групната фаза на ЕЛ ќе биде надвор од амбициите на клубот. Ќе бидеме сериозен противник на Вардар и Еурофарм, примарна цел ќе биде излез во Европа, а ако ни се отвори шанса за едно од двете први места сигурно дека ќе ја искористиме, а третото место е релност.

СР Кои се вашите лични цели?

Иван Марковски Јас сум релативно млад тренер и единствено што сакам во овој момент е да напредувам и да го стекнувам потребното искуство кое е многу важно во развојот на еден модерен тренер. Во јуни месец ја добивам Мастер Лиценцата за која сметам дека не е пресудна да бидеш добар тренер и нема да ве направи најдобар, но добро е да ја имате. Играчите со кои работам знаат дека не сум суетен и дека секогаш сакам да го слушнам нивното мислење, разговарам со нив и разменувам мислења. Знаете секогаш е добро да се слушне нечие мислење и секогаш може да научите нешто дури и од играчите со кои работите.

СР Сите зборуваат за систем, кои се основните елементи во ракометниот систем на Марковски?

Иван Марковски Во една прилика кошаркарскиот стручњак Жељко Обрадовиќ ( кој неизмерно го ценам ) изјави “ Ако си дел од системот играш ако не си дел од системот не играш “ Значи според мене систем на работа е спорведување на идејата или визијата на тренерот како сака да игра или изгледа неговата екипа. Секој систем си има свои принципи и правила који мора да се почитуваат. За да спроведете свој систем на работа дисциплината е основен фактор, техничката база на играчот или познавањето на основните елементи од ракометната игра е исто така важен елемент бидејќи ако не сте технички спремни не можете да работите тактика. И најважното, да ги уверите играчите да веруваат во тоа што го работите односно да веруваат во вашата визија и идеја и зошто тоа е продуктивно за вашата екипа. Нормално системот на работа го прилагодувате и врз профилот на играчи кој го имате во екипата.  

СР Дали е тоа балкански, шпански или скандинавски, или нешто различно?

Иван Марковски Мислам дека не форсираме нечиј систем на работа. Јас така го гледам тоа, модерниот ракомет денес е комбинација од сите овие системи кои ги наведовте. Јас ја прилагодувам екипата на профилот на играчи со кој располагам во моментот.

СР Како ќе игра Металург во напад следната сезона?

Иван Марковски Со доведувањето на браќата Њокас сигурно дека ке играме атрактивен ракомет, брз со што одговара и начинот на нивната игра, но бидете сигурни дека играта во напад ќе ја базираме на колективот, а колективната игра да го исфли поединецот. Тоа беше секогаш во мојата визија така ќе биди во следниот период.

СР Дали ќе гледаме 7 на 6?

Иван Марковски 7 на 6 не е исклучено да биде уште една новина во следната сезона. Јас искрено не сум размислувал многу за тој напад бидејќи мора да исполнувате и некои критериуми за да го играте тоа. Ние немавме ни многу време да го уигруваме тој начин на игра, а и перформансот на одредени позиции не ни го дозволуваше тоа.

СР Колку трчањето е важно во денешниот ракомет? 

Иван Марковски Многу битен сегмент во денешниот ракомет. Ако не сте добро физички спреми а и тркачки не можете да играте квалитетна одбрана а со тоа нема ни да имате ни квалитетна транзиција или чиста контра напад. Па затоа сметам дека е основен и важен сегмент во модерниот ракомет.

СР Сака ли Иван Металург да трча?

Иван Марковски Мислам дека кога ја спомнавте промената во Металург од моето доаѓање евидентно е дека сакам мојата екипа да трча. Да ќе го барам тоа и во иднина од моите играчи.

СР Ќе играте на гол повеќе или секој натпревар ќе биде битка за себе?

Иван Марковски Сакам да бидеме препознатливи по начиот на нашата игра, ракометот е игра во која победува екипата која ќе постигне гол повеќе и тоа ке биди примарно ( да победуваме на секој натпревар ). Металург е екипа која е дополнителен мотив за сите екипи во нашата конкуренција, ќе има и натпревари кои ќе бидат битка за себе.

СР Со новините во ростерот некако се отвараат повеќе опции, бекови шутери но и кретаивни брзи, одлични крила само на пикери многу младост.

Иван Марковски Екипата сеуште ја комплетираме и има отворени неколку позиции. Во овој момент мое лично мислење е дека сме премногу млади и неискусни на позицијата пивот. И Митиќ и Лазаревски се добар потенцијал но ни треба поискусен пивот, така и тие ќе се надоградуваат и ќе бидат покомплетни во сезоните кои доагаат.

СР Колку време подготвувате еден натпревар и кој е Вашиот најдобар советник?

Иван Марковски Се спремам за секој следен натпревар, не гледам толку далеку туку за секој следен. Веднаш после последниот натпревар следи припрема за наредниот, значи нема многу време. Тековната недела или еден микро циклус е припрема за следниот предизвик. 

СР Дали Иван се држи цврсто до планот за натпревар или има и импровизации?

Иван Марковски Во принцип сум перфекционист и сакам да се држиме до планот и припремата за секој следен натпревар. Има и натпревари кога импровизицијата е неминовна но тоа е составен дел од спортот.

СР Се префрламе на одбраната. Кога почнува одбраната?

Иван Марковски Со последниот упатен шут на голот во напад почнува одбраната, односно враќањето назад и поставувањето во одбрамбена формација.

СР Во неформалните разговори често зборувавме за одбраната, Металург ќе се брани со 6-0, 5-1 или ?

Иван Марковски На почетокот реков и стојам на истото дека секоја сериозна екипа мора да има и да спреми повеќе од една одбрана. Металург ке игра 6-0 и 5-1 … ја сакам и 3:2:1 одбраната, но за тоа треба време и профил на играчи за да ја играте. Ќе видиме, во периодот кој доаѓа ќе размислам и за таа одбрана плус или ќе останеме на постоечките две.

СР Плитката зона 6-0 како да изумира.

Иван Марковски Новата модификација на 6-0 одбрана нуди можност за поагресивна одбрана и тоа според мене е добро. Плитката 6-0 не мислам дека изумира туку дека се модифицира, во зависност од профилот на екипата со која играте можете и двете модификации да ги играте, тое е проценка на тренерот.

СР Фаул, моја омилена тема после дуелот Вардар Елверум, кога Вардар не успеа да направи повеке од 3-4 фаули и прими 35 голови од кој последниот во последните секунди.

Иван Марковски Многу чест израз во моите припреми пред натпревар или за време на тренинг е Фаулот. Во денешниот ракомет секогаш кога има можност или шанса да направите прекин или фаул направетето го тоа. Јас секогаш го барам тоа од моите играчи. Не сум поборник на блокерска одбрана туку контакт игра и тоа ќе биде приоритет за мене во одбраната на новиот Металруг.

СР Изумираат ли одбранбените играчи ?

Иван Марковски Мислам дека секоја екипа има свои специјалисти за одбрана, тој тренд ќе продолжи и понатаму.

The post Дисциплината е основен фактор ! appeared first on Само Ракомет.

Барселона во своето 15 финале го освои својот 10 трофеј во ЛШ во една совршена сезона за нив без ниеден пораз и изгубен бод во Европа, во финалето во Келн беше подобра и го победи дебитантот и најголемото изнедаување оваа сезона тимот на Алборг.

ПСЖ, Алборг, Нант и Барселона беа учесниците на овој завршен турнир, сите екипи влегоа со свои амбиции и математики но искуството од предходните турнири велеше дека фаворитите не секогаш победуваат, сите беа умерени во изјавите и секој ја чекаше шансата од втор план. Ако Барса беше на хартија најдобар, никој од нивниот табор не се осмелуваше да каже дека на крајот ке го кренат највредниот трофеј. 

Полуфиналните двојки ветуваа врвен ракомет. Така и беше.

ПСЖ како еден од претендентите за висок пласман, иако имаше голем дел од натпреварот контрола на резултатот сепак како и во предходните неколку турнири потклекна и загуби од Алборг. Екипа која покажа како треба да изгледа една модерна и технички добро поткована екипа која до најмал детал знае што сака. Никогаш не престанаа да веруваат во успех дури и кога заостануваа со 5 разлика, напротив, веруваа во своите можности и не отстапија од нивниот систем кој на крајот им донесе историско финале. За ПСЖ ќе кажам само дека според мене беше чуден изборот на ротација на играчите во текот на целиот натпоревар. Недоволно искористен потенцилајот или моменталната форма на играчите ( ротација не по секоја цена ). Кога одите на резултат или играте за пласман во финале одите со најдоброто и најквалитетното во моментот. Се појави и одредена недисциплина во играта или индивидуална одговорнст на одредени играчи која резлутираше со пораз кој го вклучи алармот во ПСЖ. Сигурно дека нешто мора да се менува … на потег е  Омејер и управата.

Нант … сериозна екипа, комбинација на младост и искуство. Како што се вели има глава и опашка, систем, добра и цврста одбрана и секој си ја знае многу добро работата во секој одреден момент од натпреварот. Не случајно ги исфрлија и Киелца и Веспрем од трката за Ф4, а и на Барса им правеа проблеми во натпреврите што ги одиграа предходно посебно на домашен терен, сето тоа е се, само не случајност.

Препознатливи со нивната цврста одбрана , одличниот Нилсен на голот и многу трчање ( транзиција и лесни голови ). Лазаров со неговото искуство само им ја дава потребната креативност и искуство кое им треба на вакави големи натпревари. Генерално незгоден и супер противник.

Барса … не треба да се трошат многу зборови за екипата која најмногу покажа и заслужено играше во финалето и на крајот го освои. Веројатно не беше лесно да се задржи високото ниво на игра во ситуација кога немамат конкуренција во Асобал Лигата и се неприкосновени, најавата на заминување на голем број на играчи и тренерот кој освои се што можеше да освои и фактот дека фаворитите не секогаш победуваат на Ф4 требаше да потврди фаворитската улога и на краајот резултираше со уште еден трофеј во ЛШ. Функционираа беспрекорно во сите линии и освен почетокот на натпреварот во финалето се друго беше со колкава разлика ке заврши во корист на Барса. Покрај индивидуалниот квалитет се покажа и колективната игра како пресудна на овој натпревар, веројатно и поголемиот број на одиграни натпревари во однос на Алборг.

Генерално заслужено Барса го освои трофејот.

The post Иван Марковски за ЕХФ Ф4 appeared first on Само Ракомет.