The post Симултан Бакнеж, или зошто постојано се слуша ЕХФ МАФИА? appeared first on Само Ракомет.

Одговорите не се едноставни, нема ниту правилник ниту шаблон, не постои рецепта по која може да создадеш таков човек.

Современата македонска спортска историја пак на површина успеа да извади неколкумина такви. Јас нотирам еден по многу нешта посебен и впечатлив лик.

Столе се појави тивко на македонската ракометна сцена, како играч, на тогаш клубот во подем Металург, но во прв план дојде веднаш по судирот со тогашниот Маг на ракометот, Червар. Ако од оваа дистанца се анализира таа ситуација повеќе од јасно е дека во тоа момче уште тогаш нешто многу големо тлеело. Се спротивставуваш на еден од најголемите ракометни авторитети во тој момент и завршуваш на кеј! Каков карактер!

Во една прилика и Вујо мајсторе ќе каже, Стоилов е незгоден карактер ама таквите го менуваат светот!

И така и беше. Стоилов експлодира на европското во Србија во дресот на Македонија а се потоа е дел од една сеуште недораскажана приказна. Стоилов станува симбол на македонскиот пркос, непокор, македонскиот пиреј, станува Икона пред која се крстат сите македонски спортски патриоти.

Стоилов е капитен на Вардар клуб во кој во неколку години се слева дел од најдоброто што светскиот ракомет може да го понуди, и сите тие се поклонуваат пред него.

Вардар игра три финалиња на Лигата на Шампиони а Стоилов два пати го крева пехарот!

Историјата е напишана и никој не може да ја промени!

Во спортот ретко ќе сретнете играчи кои давале тон на играта оставале трага зад себе а играле само за еден или два клуба. Стоилов кариерата ја завршува во Вардар и поставува уште една дилема во елитниот спорт, дилема која ја имаат сите загреани вљубеници и посветени фанови на своите клубови, дали постои лојалност или се е само бизнис?!

Па така размислувам за еден куп играчи кои публиката ги засакува, а тие веднаш штом добијат понуда со емотивен пост на соц мрежи се одјавуваат…

Затоа има потреба да кажам нешто, за искрените човечки вредности наспротив молскавичните симпатии и љубови кои исчезнуваат побрзо од светлината на молњата!

Познавам човек кој рече, Вардар не знае да ги чува своите херои! Така беше и со Стоилов.

Денес Стоилов веќе не е во Вардар, го чека стартот на новата сезона со својот само трет клуб во кариерата. Стоилов ќе биде прв тренер на скопскиот суперлигаш Бутел.

И како што на промоцијата самиот Столе изјави: Бутел е клуб по мерка за неговите погледи кон македонскиот ракомет, јас само поставувам љубопитно прашање, дали Стоилов е тренер кој што Бутел ќе може да го испрати до крај? Дали Бутел ќе може да создаде услови и стабилна средина за да посведочиме на едно ново поглавје од историјата на македонскиот ракомет. Поглавје во кое две ракометни легенди на два краја од градот ќе градат две семакедонски ракометни приказни.

Дали во сезоните кои предстојат ќе посведочиме на дерби помеѓу црните на Стоилов и сините на Лазаров?

Столе ти си наша икона…

ќе остане слоган кој ќе влезе во историјата на македонскиот ракомет, баш како и изјавата:

Нека дојде кој сака!

Столе ти посакувам долга, богата и емотивна кариера како кормилар на една од најсимпатичните екипи во последно време!

The post Иконата appeared first on Само Ракомет.

Или како солунчанецот Никола ги победи атињаните.

Можно е да заборавивме колкава е моќта на народот, затоа што пропагандната машинерија на меинстрим административците ја достигнаа кулминацијата. Во старо време нашите имаа термин и за тоа, кадија те тужи кадија те суди!

Имено воочи неделниот натпревар на ГРК Охрид во рамки на четвртфиналето од Европскиот куп, во Атина, стигнаа информации дека пренос на телевизија нема да има. По повеќекратно советување со службите на Охрид ни беше совршено јасно дека пренос нема да има.

Одлучивме да реагираме и да упатиме по некоја отровна стрела кон МТВ. Очигледно беше по само неколку часа дека стрелата ја погоди метата. Следеа активности кои за среќа на сите љубители на спортот резултираа со мала слатка победа.

Преносот беше под итно обезбеден!

А таму, во Атина, во услови кои никако не доликуваат на таканаречена европска па уште и колевка на демократијата, фашистичките духови на минатото, кога е во прашање Македонија, не спијат. Можно е и да не се духови.

Охриѓани тренираа во балон, се надевам ЕХФ ќе ни ги испрати членовите од правилниците кои тоа го дозволуваат. Салата за нијанса поголема од Ричко во Прилеп.

Ама ако, баш тогаш победата е послатка.

Ројевиќ ја подготвил Македонската Фаланга, рака на срце со доста легионери од територијата на целиот континент, како да е оваа последната битка. Па така излегоа на терен и уште од првиот свиреж на подпросечните дански судии ставија до знаење дека се подготвени да се враќаат со штитовите, никако на нив!

Бескомпромисни во одбраната, на крилата на фантастичниот Пилиповиќ, темелно ги разоружаа атињаните. Да не им беше за нас од поодамна познатиот Савас Савас, ќе беа на праг на бродолом.

И да се навратам на поднасловот, најслатко можеби од се беше дека демонстрацијата на сила пред се доаѓаше од ликот и делото на солунчанецот Никола, или како би го викале нашите стари Љапе.

Одлична демонстарција на сила, став, подготвеност, тактика и карактер. Македонија за Атина е Данска!

В сабота во Охрид треба да дојдат и ако се мажи да изиграат. На нашите е да останат будни и по истиот принцип по кој Александар ги плескаше да им го покажат патот дома.

Премногу долго време сме фини и културни со оние кои тоа не го заслужуваат.

Кон победата на ГРК Охрид среде Атина против Олимпијакос, во рамките на четвртфиналето на Европскиот Куп.

Да живее вистината!

Да живее спортот!

Да живее Македонија!

The post Колку остро може да биде новинарското перо? appeared first on Само Ракомет.

Еден од водечките спортови во Македонија.

Не заостануваат и со преносите од уметничко лизгање, нордиски дисциплини и светски првенства во фудбал за млади кои никој не ги гледа. БРАВО

Но има моменти кога не смееш да молчиш. Ова е тој момент.

Македонија втора година по ред има тим кој игра Четвртфинале во ракометна Европа. ГРК Охрид против Олимпијакос. Охрид тим во подем. Момент што не се купува — се заслужува. македонскиот спорт дел од кремот. Дали има некој кој не стреми да биде во врвот на својата фела?

И што прави Македонска телевизија?

Повторно — ништо. И да, да бидеме прецизни, не е дека не можеле, туку не сакале!!!

Понуда имало. Опција имало. Интерес страст и љубов кон македонскиот спорт НЕ.

И ова не е прв пат. Ова е континуитет на една иста болест, целосно отсуство на перцепција што е национален интерес. Спортот не е трошок. Спортот е најдобриот амбасадор.

Кога ГРК Охрид игра европско четвртфинале — тоа не е „уште еден натпревар“. Тоа е МАКЕДОНИЈА на терен.

А ние што добиваме?

Програма во која редовно гледаме спортови што немаат никаква допирна точка со Македонија.
Преноси без публика, без контекст, без значење за домашниот гледач. А кога конечно имаш приказна дома следи… тишина.

Првиот меч во Атина. Вториот во Охрид. Сала ќе гори. Градот ќе живее за тие 60 минути.

На МТВ најверојатно ќе ја гледаме по десети пат репризата од некој фудбалски натпревар со 15 навивачи на трибините.

И затоа прашањето не е дали направиле грешка.
Прашањето е — до кога ќе се однесуваат како ракометот да е карлинг? Јас знам, нам нема да ни треба пренос за да гледаме ракомет, ќе се снајдеме.
Ама очигледно ќе ни треба нова телевизија за да си ја сакаме Македонија.

The post МТВ,we have a problem!? appeared first on Само Ракомет.

Плејофот татни, секое коло дерби, нешто што одамна не сме имале.

Осврт на викендот со две ултимативно тешки и важни утакмици. Бараме зошто и како, поставуваме тези и уживаме во ракометот.

Погледнете…

The post Љубопитноста Мачката, Притисокот Пелистер ? САМО РАКОМЕТ С5Е6 appeared first on Само Ракомет.

Од инфраструктурните, мал број на сали, и голем број од нив во лоша техничка кондиција, до современите, мал интерес кај децата, недостиг на соодветен стручен кадар, и од најновите неопходни пристапи, недостиг на бизнис и маркеринг логика во пристапот.

Знае ли Македонија како треба, може ли и уште безброј други прашања на финалната трета панел сесија.

На едноставното прашање дали имаме стратегија за развој на ракометот и дали можеме да ја доближиме бизнис заедницата до ракометот разговаравме со Владо Недановски спортски директор на РК Вардар, Анета Антова Пешева член на собранието на стопанските комори, Славе Николов еден од најдобрите светски ракометни судии и Бојан Стефановски член на Управниот Одбор на РФМ.

The post Имаме ли стратегија? appeared first on Само Ракомет.

Прашањето кое се наметнува е кој е авторитетот кој треба да ја продлабочи дисусијата по ова прашање, да направи детална анализа и да синтетизира одговор во вид на национална стратегија за наредните 5,10 ако не и 20 па и повеќе години.

На 23 февруари во Скопје во организација на САМО РАКОМЕТ а под покровителство на Ракометната Федерација на Македонија, се одржа втората по ред Ракометна Панел Дискусија.

Дискусија поделена во три тематски различни сесии.

ВТОР ДЕЛ Развој и промоција на ракометот и врската со училишниот спорт, или каде почнува создавањето на играч?

Кога и како почнува љубовта на младите кон ракометот. Зошто при изборот на спорт ракометот е на прилично ниско 5 или 6 то место? Како најпопуларниот спорт да стане прв избор. Во втората сесија панелисти беа Филип Миркуловски легенда на македонскиот ракомет, сега на функција Координатор на машки ракометни селекции во РФМ, Влатко Тасевски генерален секретар на РФМ, Горан Ѓоргоноски коорднатор на проектот Ракомет за секое дете и Елена Мицковска претседател на Федерацијата на училишен спорт.

Погледнете…

The post Имаме Лига на Шампиони а немаме база, Словенија нема Лига на Шампиони но има база… appeared first on Само Ракомет.

Дискусија поделена во три тематски различни сесии.

Во првата сесија панелисти беа Милан Лазаревски Мечка, капитен на РК Вардар и Македонски репрезентативец, Зоран Мишевски легенда на спортското новинарство, Д-р Емилија Бошковска Психолог и Психотерапевт и Горан Кузмановски Таста, ракометар, репрезентативец и денес тренер на РК Бутел и селектор на македонските кадети.

Насловот сам по себе исклучително актуелен и по наша процена исклучитено важен…

Влијанието на медиумите и социјалните мрежи!

Погледнете…

The post Што недостасува ракометот да биде спорт број 1 дефинитивно? appeared first on Само Ракомет.

Дали навистина Ракометот е спорт број 1 во Македонија? Кои се причините за тоа, зошто сметаме дека е така, а во реалноста работите се драматично поинакви.

Зошто немаме доволен број деца кои тренираат ракомет, зошто немаме доволно сали, зошто салите се незагреани, зошто има малку клубови, зошто сите се на работ на егзистенцијата, зошто по навршени 17-18 години огромен број ракометари ги закачуваат патиките на клинец, зошто тренерите немаат ниту еден ден стаж, зошто и уште стотици зошто …

Втора година по ред во организација на САМО РАКОМЕТ а овој пат комплетно поддржана од Ракометната Федерација на Македонија, се обидуваме во дискусија помеѓу различни учесници од нашиот ракомет да поставуваме прашања и да бараме одговори?

Понеделник 23 февруари во хотелот Дабл Три, ќе се одржи втората таква сесија прашања и одговори.

The post Бараме форми и практики, како ракометот да биде дефинитивно спорт број 1 во Македонија! appeared first on Само Ракомет.

Просто е неверојатно, што се случува на европското првенство.

Нешто што нам ни наликуваше на оркестриран напад врз македонскиот ракомет, пред почетокот на првенството, со ефтината изјава зошто најдобриот судиски пар на светот последните десетина-дваесет години, нема да биде дел од судискиот корпус, прерасна во комплетна фарса, организациска и пред се судиска.

Па така од најбаналното, дека не можеа да ги повикаат Начевски и Николов и да ги тестираат в сала или било каде, до најбизарното, гледање видео анализа и недонесување одлука.

Дал да плачеме или да се смееме!?

Да одиме со ред.

Сјајот,

Одамна не сме гледале првенство со толку многу неизвеснот, атомски ракомет и безброј тимови во борба за подобар пласман. Натпревари во кои секој може да добие секој, просто се магнет за сите љубители на спортот. И ако секогаш постои по некое изненадување овојпат ги имавме десетина.

И ако теоретичарите на заговори или пак подобро носталгичните нарциси, упорно ни ја повторуваат тезата дека ракометот денес немал ѕвезди, токму ова првенство го затвара тоа поглавје и го разоткрива митот.

Гидсел, Питлик, Нилсен, Мем, Мартиновиќ, Волф, Кнор, Коштите, Макуц, Гисли, Инги, можам да набројувам без престан. Ако ги надодадам и еден грст голобради младичи, ракометот воопшто не треба да се плаши за својата иднина, играчка!

Проблем е онаа другата бирократската. Затворената во своите чемери, ЕХФ не гледа и не слуша подалеку од својот нос.

Бедата,

Врие ракометна европа по безброј теми. Ќе ги нафрлам.

Организацијата по незнам кој пат е во иста географска област киднапирана. Скандинавија како мека, ракометот станува игра за повластена група, погубно. Европските пространства се огромни, а само 15 земји досега биле домаќини, при тоа имајќи в предвид дека последните првенства се дисперзирани во повеќе земји.

Системот на натпревари докажано неефикасен и нефер. Згора на се се деновиве сме сведоци на огромен број на изјави од незадоволство, што поради деновите, што поради сатниците, се на се катастрофа.

Публика има само на неколку натпревари, зошто е прашањето а одговорот е најверојатно комплексен но можам да наслутам неколку причини. Се игра во зима, никој не сака да патува во зима, се игра во едни од најскапите земји, во време на криза сите штедат, се игра во една сала и евидентно е дека принципот на дневни карти функционира, па така данците кампуваат на своите седишта, на пример. Оттаму и циничниот предлог ракометот да се префрли на зимска олимпијада.

Крајно време е некој во таа ехф и ихф да ја протресе главата и да го извлече ракометот во мај или јуни, сликата ќе се измени драматично. Па дури и патување во факинг Шведска може да делува симпатично.

Силна забелешка и на темата стаклени шишиња во сала, дали следно ќе се служат и вино и кавијар?

И доаѓам до јаготката на … ќе речев шлагот, но судењето на ова првенство е се само не посластица.

Безброј не авторитативни судиски парови, судат кој во клин кој во плоча, претерана употреба на тн вар, носење очигледни одлуки на штета на неподобните тимови, за нивна несреќа и тв преносите, но и самите екрани во салите ги повторуваат спорните ситуации па на повеќето им е јасно во каква судиска фарса се претвори се. И да, ако нашиве беа исклучени поради физичка неспремност, за добар дел од другиве гарантирам место во секој подобар лесковачки ресторан, како скараџии се разбира.

Нема да простам и да ги наведам и со име и презиме џелатите на македонскиот ракомет, браќата Амар и Дино Коњичанин, кои без срам и перде со сите сили и средства им помагаа на португалците. И ако ова може да зазвучи како пристрасно патриотско и навивачко коментирање, ќе Ве замолам да го погледнете последниот напад на португалците кој започна во 58:08, по пеналот за Македонија и просто не завршуваше се до моментот до кој требаше португалците да постигнат гол. Рака кренаа некаде кон 59:15!

Дали ракометот се претвара во елитен спорт или во циркус за малкумина, е клучното прашање?

The post Сиот сјај и сета беда на европскиот ракомет! appeared first on Само Ракомет.