Големата Барса препознатлива по својот убиствен напад со висока реализација од безмалку 37 голови по натпревар, во рамките на лигата на шампиони, денеска натпреварот го доби играјќи пред се одбрана. Тие играа активна и агресивна одбрана и воопшто не се срамеа. Во првите 10 минути им ставиа дознаење на прилично десеткуваните домаќини дека се дојдени по победа. Неколку одземени топки, затворени сите приоди, притоа безмилосно реализирајќи во нападот, дојдоа до 5:1, кои безмалку го детерминираа остатокот од натпреварот.
Мешков возбудени од историското првенче во оваа фаза, како да не беа на теренот. Играа исклучително плитко во одбраната па вонсериските бекови на Барса лесно 1 на 1 или со пас на пикер ја решаваа секоја ситуација.
Мешков се обиде и со 7 на 6. Но Барса фантастично подвижна во одбраната, знаеше кого треба да затвора, а тоа беше единствено Скубе.
Алонсо на тајмаутот викаше БИДЕТЕ ХРАБРИ, тоа не е едноставно но сепак им даде крила, а со неколку свои интервенции младиот голман овозможи да дојдат на -2.
Дека и најголемите ѕвезди се сепак луѓе покажа Палмарсон. Две топки во аут и два промашени шута. Мешков е во игра.
Алонсо покажа дека е одличен тренер. Откако во првите 10 минути примија 10 голови. Тој го смали интензитетот и темпото и успеа да ја успори Барса. Така Мешков беше безмалку до крајот во игра. На будењето на белорусите одлично се надодаде и Пешиќ со неколку интервенции.
Сепак Барса е една банда од одлични играчи кои до крајот мирно го доведоа натпреварот до сигурна победа.
Покрај одличната партија на Ваилупов кој постигна еден куп и тоа прилично атрактивни голови, за паметење ќе останат и дресовите на Барса, патиките на Шумак, публиката на трибините и секако обетките на Сораиндо позајмени од очигледно Џек Спероу.
Одличен натпревар, доказ дека се повеќе клубови играат добар ракомет.
12.05.2021 Брест Белорусија
ЕХФ ЛШ Четвртфинале прв натпревар
Мешков 29 Барцелона 33
