Битола секако е еден од најстудените градови во Македонија, но многу топлокрвен кога станува збор за страста за спортот, за ракометот за Пелистер !

Вечерва ќе беше празник, чкембарите ќе ја запалеа Боро Чурлески, а германците ќе сфатеа дека во Македонија е проклето тешко да се победи !

Но, публика нема, Пелистер е во формирање, Грин фати 6-7 топки во серија, младите изгореа во желбата…

Почетоците на двете полувремиња кобно го одбележаа натпреварот. Сериите од 4:0 во првото и 3:0 во второто беа доволни за безбедна дистанца. Преискусниот во страшен ритам тим на Магдебург сериозно ја напишал домашната.

Пелистер покрај тремата имаше и неколку лошо избрани шутеви, неколку стативи, подзаспаност во одбраната, која Бабиќ ја нотираше на тајмаутот, а можеби и неколку несреќни одлуки на судиите кои доаѓаат од една типична ракометна област !

Патот до успехот е долг, трновит и полн со препреки. Пелистер е можеби на полпат, за до целта ќе треба уште многу истрајност и упорност.

Денот кога победите ќе станат реалност со нетрпение го очекуваме.

ЕХФ ЕЛ Битола Македонија 23.03.2021

Пелистер 24 Магдебург 32