Дека статистиката не лаже знаеме одамна, дека надежта последна умира исто така, дека чудата се можни видовме повеќепати 2017 и 2019 уште се свежи, дека Кара и Алекс се срцето, душата и телото нотиравме пред 5 дена, дека ќе не нападнат низ средината забележавме, дека треба да ја успориме играта рековме, дека нетреба да го разбраниме Волф во првото полувреме беше повеќе од јасно, дека треба да ја искористиме неагилноста на одбраната во средината можевме, дека ротацијата дава резултати, дека одбраната го добива натпреварот е веќе флоскула, дека примаат во просек 27 голови … а на гости даваат 31…
Звучи дека после битка е лесно да се биде генерал, но треба да имаш аргументи и да ги побиеш стереотипите. Вардар играше добро, многу добро 15 минути, Вардар имаше контрола имаше напад имаше и одбрана, имаше играчи расположени и имаше тактичка поставеност. Вардар имаше се 15 минути. Забелешка на авторот на овој текст е дека ракометните натпревари траат 60 минути. Еве на пример да споредиме со гранпри на формула 1 ! Имате одличен тим пример Milde Seven Renault, имате фантастичен возач Фернандо Алонсо, 2006 година е, Викендот е во Монако, противник Ви е фантастичниот Михаел Шумахер со Ferrari, трката е 77 кругови… и Вие имате пол позиција и возите некаде до 24 от … толку…
Но … вториот заклучок надежда последна умира…Вардар има само 4 натпревари во 4 месеци, Вардар има 8 -9 нови играчи, Вардар има нов тренер, Вардар нема публика дома, Вардар излегува од процес на промена на власта, структурите, логистиката, Вардар ги има Столе, денеска немаше ден, луѓе и тој е човек, Тимур за него треба бековите да сработат, Чупко за него е сеедно, Борко беше играч на колото, Џомба ладнокрвен до коска, Јотиќ даде 6 денес и допрва ќе се радуваме на неговите квалитети, Вујин кој има топ место рака, ги има младите Кизиќ, Векиќ, Димитиоски, Јагуриновски, Валчак, Мишевски… Алушевски, пред само 3 години беше тренер на тим во женската кадетска лига…
Времето е предност, за Вардар можност, веќе следната недела ќе бидеме сведоци на реалноста ќе се вратиме од Полска со штитот или нанего !
За Вардар секогаш до последна капка мастило !
Скопје, Македонија
19.11.2020 ЕХФ Лига на Шампиони
Вардар 29 Киелце 33
