Во по незнам кој пат фантастичната атмосфера во Јане, Кил сепак подобар.
Беа подобри во повеќето сегменти од ракометната игра. И ако само на момент помислив дека денеска блескавиот Томовски а на моменти и одличниот Ристовски, беа во голманскиот статистички дел подоброто Вујовиќ на пресот ме демантира.
Анализирајќи ги причините за поразот во одбраната, но пред се во нападот каде вардаровите бекови одиграа очјано, тој подвлече. Ландин е таква голманска величина што многу играчи стрепат од него. И всушност така и беше. Исклучително многу удари над пречката, право во Ландин или дури и покрј голот.
На моменти се чинеше дека нема трпение и дека бековите пречесто ги ротираше, но ништо не носеше резултат. Иако Јане во поголем дел од вечерта гореше, а Вардар имаше предност, сепак проблемите во нападот беа повеќе од очигледни. Бековите несигурни и без самодоверба, а згора на се и лошо трчаа назад, па во моментите кога Кил поведе за Вардар веќе немаше назад.
По енергијата која ја покажаа германците, а најмногу Дувњак и тренерот Јиха, беше јасно дека многу им значеше оваа победа. Комплимент за Вардар.
Стоилов јасно ја критикуваше овојпат одбраната. Во првото полувреме прими само 10 голови, само благодарение на вонсериската партија на Томовски. Во второто Вардар прими огромни 19, а сега ни Томовски ни Ристовски неможеа да го спречат поразот.
Публиката најразочарана од судиите, скандираше и ЕХФ мафија, што доколку не донесе некоја парична казна, сепак говори дека беше задоволна од залагањето на тимот. Разочарани беа и од изданието на Дувњак, врвно, а тој не заборави да се заблагодари на цела сала па дури и на вжештените глави кои можеби и фрлија нешто по него.
Трет пораз по ред, а следат исклучителни тешки натпревари. Двомчот со Пик, за среќа по паузата за ЕХФ неделата, па гостувањето кај Кил и Загреб.
Добро е што Вардар е тим во формирање и ќе му треба време да се уигра, но лошо е како што истакна Вујовиќ што некои играчи не го пружаат тоа за кое се дојдени па можеби на полусезоната ќе следи едно проветрување.
27.10.2021 Во сеуште најжешката сала во Европа
ЕХФ лига на Шампиони
Вардар 26 Кил 29
