Изминува уште една исклучително лицемерна година. Година во која човештвото, она “цивилизираното” уште еднаш ја потврди својата праисториска врска со приматите и неандерталците.

Војни во функција на мир, во кои секојдневно умираат илјадници деца, мажи и жени, во кои материјалната штета веќе неможе со разумната алгебра да се пресмета, се секојдневие.

Година во која доживеавме понижување, дегенеризам и богохулење како клучна поента на отварање на веќе некогаш, авангардните и обединувачките, космополитски и сечовечни Олимписки игри. Го допре ли човештвото дното?

Неможам да бидам слеп на се што се случува и гласно им се обраќам на сите таканаречени авторитети, желни само за моќ и себе промоција, Од денес со црви, тавтабити, гниди и останати штеточини не комуницирам!

Но да се вратам јас на мојата страст, хоби, мисија или едноставно РАКОМЕТот…

И оваа година веќе традиционално ние ракометните фанатици, за кои незнам прецизно колку не има, но знам дека има огромна бројка, со америчка терминологија, спијачи, кои во текот на годината тук там ќе погледнат некој натпревар, но во јануари сите се будни и сите сме подготвени. МАКЕДОНИЈА игра Ракомет, на светско или Европско небитно.

ЈАНУАРИ

Македонија на Европско. Во предвечерието на европското првенство неможевме да имаме подобар гостин. Џомба е рол модел како се станува спортист, професионалец, патриот! На големиот Македонски православен празник Бадник разговараме за ракометот за Металург, за Вардар, за Македонија !

Џомба ти благодариме за се !

Пишував и за едни исклучителни ликови и ги “злоупотребив” за да си разбистарм некои митови:

ФЕВРУАРИ

Многу прашина се крена по натпреварот Франција Шведска. Судии нашите Македонци, Славе и Џоле. Едни од најдобрите ракометни судиски парови на планетава Земја. Имаше ли грешки, дали правилата треба да еволуираат и уште многу интересни ракометни теми…

Имавме уникатна шанса гостин да ни биде Ел Команданте.

Гостувањето на ПСЖ во Битола во рамките на Лигата на Шампиони го искористивме за средба со една од современите Вардарови легенди. Дојде тивко и се запиша во легендите. Приказната за Раул Гонзалес, за неговиот престој во Македонија, за Вардар. Како се развиваше како тренер и што е потребно за да се освои Лига на Шампиони

Зимскиот преоден рок успешен ! Еден од најдобрите познавачи на Македонскиот ракомет Горан Ѓоргоноски со својата колумна ЧИТАЈ РАКОМЕТ стана дел од нашиот тим!

Џорџ Добредојде, Заедно сме посилни !

МАРТ

Ова е ОДА за Фитиљ, кој треба да ја донесе РАДОСТА на битолската публика, кој во стилот на Бетовен “испорача” ДЕВЕТ симфонии во мрежата на силните Дански ракометари и кој е на пат да “влезе” во ХИМНАТА која ќе ечи од илјадници грла на новата гарда Чкембари.

Ако купот треба да биде натпреварување пропратено со неизвесност и изненадувања, можеби треба да го смениме форматот?!

АПРИЛ

За првпат службено се зафативме со конекцијата Спорт-Политика, па така ги повикавме претставниците на политичките партии на гости. Прифатија и пристигнаа само двајца кандидати.

Совршено ни е јасно дека спортот е непрофитабилна дејност. Од друга страна совршено е јасно, дека спортот е најголем и најдобар промотер на една Држава. Повеќекратна корист има и општество во кое младите се занимаваат со спорт. Што не чини, зошто спортот падна толку ниско и какви се плановите на новата влада на ВМРО ДПМНЕ, во новата епизода на подкастот САМО РАКОМЕТ, со легендата на Македонскиот ракомет, Министерот за Одбрана, сега претседател на РК Вардар 1961, Борко Ристовски! Уживајте …

Од како паметам за себе сум навивач!

Се обидов да сублимирам краток прирачник за навивање!

МАЈ

На 17 јануари, по крајот на настапот на Македонија на европското првенство, размислував што добивме и дали нешто изгубивме? Како сопруг на бившата жена на врачот (приказната и е позната на редакцијата) од ракав ги исфрлив Фарските, за наш посакуван противник во баражот за светско. Противник кој ќе ни овозможи континуитет, во најкршливата можеби, фаза од како што милувам да го наречам, REBUILD-от на Македонскиот сениорски ракометен тим.

Додека друштвото покрај скарата ги пребројуваше гласовите од изборите и почна да формира владина коалиција, мене ме изеде туѓата срамота! Македонија сруши еден предавнички режи, но Македонија ја срушија, ракометно едни анонимуси.

Има еден настан кој мора да се одбележи. Во еден момент, кога во континиутет бевме незадоволни од судењето на Турците, од кои нескриено сите очекувавме малку ветар в едра, кон нив полета импровизирана топка изработена од згужвано знаменце, дел од одличниот декор в салата. Серафимов појде кон него и го подигна од подот, и кога на момент се исплашивме дека ќе го однесе до судиите, незнам зошто воопшто таква мисла ни пролета, тој го отвори го испегла и го бакна Македонското знаме! Знаевме тогаш, овие деца се дојдени овде да победат !!!

Како во средновековните љубовни романи, со писма се одвиваше комуникацијата помеѓу актерите, клубовите и федерацијата. Сакам-нејќам принципот ни оддалеку соодветен на имиџот на ракометот како спорт број 1 во Македонија.

Во таков амбиент, дополнет со по кој знае кој пат погрешна локација, натпреварите развлечени во безмалку една недела ги видоа едвај неколку илјади гледачи. Како е можно финалните натпревари да привлечат толку малку публика е прилично нејасно. Ако споредам на пример со еден просечен натпревар во Бундес лигата, во борба за 13 место на пример?!

ЈУНИ

Клубот му беше доверен на еден Македонски херој од ракометното минато, лик со нескриена страст за ракометот, а се покажа дека е и со огромно знаење од тактички, технички па дури и психолошки аспект.

Алкалоид, Вардар и Пелистер, го формираат Македонското ракометно тројство!

Германско шоу за кое сите велат дека е перфектно организирано, иако дефинитивно е приватна забава за малкумина, една од причините и мечот со две острици поради кој ЕХФ никако да прогледа, заврши.

Со Раде Стојановиќ, во прекрасното Маврово, во кое за жал во моментов не работи ниту еден капацитет, разговаравме за текот на подготовките за претстојното Европско У20 првенство.

ЈУЛИ

Одиме ЛАВОВИ !

Денеска точно на пладне една мала група, Македонски синови, во Словенија ја стартуваат мисијата Европско Ракометно првенство за играчи до 20 години.

После освоени златни одличја на европско и светско првенство во низа на нашата селекција, со претходните генерации ракометари, оваа генерација не УСПЕА, да го повтори успехот и после минатогодишното 9-то на СП, сега е во група со банана ракометни репрезентации од типот Франција, Словенија, Хрватска, Унгарија, во борба, повторно за тоа 9-то место

АВГУСТ

Овој наш тим за жал нема ни глава ни опашка. Делуваат уморно, не мотивирано. Банални задачи не воиграни, од типот кој прима топка по одбрана и кога голманот смее да фрли контра а кога не. Во напад екипата нема акции, или има многу малку или воопшто не ги игра.

Двата турнири немаат своја веб страница. Во денешно време тоа е личната карта и пасошот на секој настан. Пребарување на информации по веб портали и социјални мрежи го сметам за несериозно, но и зборува многу за организаторите.

СЕПТЕМВРИ

Со исфорсирани шутеви од страна на Хосни и особено Фитиљ, битолчани играа по ќеиф на Лазаров, носејќи го натпреварот на терен каде Алкалоид царува. Транзиција. Никола Костески и Арно Бинго, Георгиев, Митев и Серафимов од втор план како на филмска лента се менуваа во улога на егзекутори, а резултатот почна сериозно да оди во прилог на скопјани. Тимот не ја слушаше „свирката“ на Бранче, која требаше да значи „крени рачна“.

Ја започнавме, и сами не сме свесни колку брзо времето минува, четвртата сезона на нашиот јутјуб подкаст. Спортот кој си обезбеди бесмртност во сите предстојни спортски монографии влегува во својата 33 та сезона.

Македонскиот концепт во својата 4 та сезона ја демонстрира сета своја моќ. Да, ова сигурно не е лимитот на овој тим и да сигурно тој ќе трпи промени, но факт е дека МОЖЕ.

Македонија има еден претставник во Лигата на шампионите, и треба сите да дадеме поддршка, Еурофарм Пелистер што подобро да ја претстави Македонија во Европа.

Голманот кој му помогна на Вардар во освојувањето на Втората Титула Европски Шампион ! Дејан Милосављев !

Како сме позиционирани во европскиот клупски ракомет ни покажа и натпреварот во Кавадарци. Реконструкција која значи подолг временски период да се работи на оформување на база од играчи, кои имаат антропологија и ментален склоп да „гинат“, создавање домашни играчи кои ќе ја вратат публиката во сала, странци кои ќе прават разлика, а не ќе ја празнат касата на клубот.

Сведочам во подолг временски интервал на еден по мене социолошки феномен, систаматична на моменти и хистерична хајка, по главите на Владо Недановски и Бранислав Ангеловски.

ОКТОМВРИ

Големите македонски спортски брендови го обелија образот во ракометна Европа – за посилна Македонија на СП!

Поддршката од РФМ е клучна за оваа мисија, па тие секое лето се собираат на Маврово, а секоја ЕХФ недела со нетрпение ја очекуваа за повторно да заиграат заедно.

Во Охрид сакам да одам и кога нема ракомет, езерскиот бисер впрочем најубав по крајот на туристичката сезона. На чорба во Лагадин, Белвица во Трпејца, Пица во чаршија и чаша вино во Куба Либре, одам без двоумење. Овој пат зачинето со одличен ракомет би било генијално.

Факт е дека, талентите доаѓаат од за пошироката јавност небитни клубови, Богданци, Гевгелија, Аеродром, Струмица, Петровец, а токму тие клубови се на дното од листата за поддршка. ПАРАДОКС зарем не?!

НОЕМВРИ

Иако, за нешто помалку од година дена ќе влезе во петтата деценија од својот животен век, капитенот на националниот тим (во моментов ослободен од обврски од селекторот, како би се зачувал за јануари) со многу дисциплина, многу работа, трпеливост и „гледање пред својот двор“, чекор по чекор ги достигна височините на европскиот ракомет.

За статистиката и за еден од кандидатите за претседател на РФМ, во новиот подкаст на САМО РАКОМЕТ

ДЕКЕМВРИ

Фејбук имаше нешто против нашиот пост минатата недела, па во неколку наврати го исфрлаше. Но има една за упорниот … Дали Николов и Начевски одсудиле се што може да се одсуди?

Долго време бев убеден дека овој формат на супер лигата во кој имаме и плеј оф, а големите фаворити се судираат повеќе пати е одличен. Но полека на виделина излегуваат и недостатоците.

„кај ќе најме карти сега?“ – му вика чупето, Ракометот во Битола е религија и тоа треба да се искористи во секоја смисла

Збогум 24 та, не сум помислувал дека МАКЕДОНИЈА 2025, ќе има потреба да се ребрендира…